मला आवडलेल्या चारोळ्या-चारोळी क्रमांक-25

[Atul Kaviraje]

                                    मला आवडलेल्या चारोळ्या
                                       चारोळी क्रमांक-25
                                  -------------------------

मित्र/मैत्रिणींनो,

     --नवं  चारोळीकार  या  प्रस्तुत  चारोळीतून  प्रेमाचे  गूढ  हे  उकलून  दाखवीत  आहे . प्रेमात  पडला  खरा , पण  ते  वय  प्रेमात  पडण्याचे  नव्हते  हेही  खरे . पण  शेवटी  मनाने  साऱ्या  नकारात्मक  विचारांवर  मात  करून  शेवटी  तिचे , म्हणजे  त्याच्या  प्रेयसीचे  प्रेम  जिंकले . तारुण्यात  असं  होत  हेही  खरं . तर  अशी  ही  त्याची  प्रेयसी , अतिशय  लाघवी , अत्यंत  गोड ,मृदू  स्वभावाची , कोमल  अंग -कांतीची , गौर  वर्णाची , पाहता -क्षणी  कुणीही  तिच्या  प्रेमात  पडावे  अशी . चारोळीकाराचा  हा  तथा -कथित  प्रेमी  आपल्या  प्रेमिकेच्या  सौंदर्याचे  बखान , वर्णन  करताना  बिलकुलच  थकत  नाही . उलट -पक्षी  त्याला  ते  मनापासून  आवडतंय  हेही  तितकचं  खरं .

     तो  तिच्या  प्रेयसीस , म्हणतोय  की  हे  सखे , तू  तर  अतीव  सौंदर्याची  खाणंच  आहेस  जणू . तुला  परमेश्वराने  अतिशय  सावकाश , फावल्या  वेळात  घडविले  आहे , तुला  सुंदर  रूप  दिले  आहे . तुझ्या    प्रेमळ  स्वभावानेही  यावर  चौदहवी  का  चांद  लावला  आहे .परंतु  या  साऱ्यांवरती  मात  म्हणजे  सये , तुझे  हे  लाघवी , सर्वां  मोहून  टाकणारे , गोड , मधू -रस  घोळणारे , कानात मधाळ  किणकिण  करणारे , अनेक  लहान  घंटांचा  मंजुळ  घंटानाद  करणारे  असे  हास्य , हसणे .

     पुढे  हा  प्रेमी  असंही  कबूल ,मान्य  करतोय  की  हे  सखे , सये  हे  तुझे  गोड ,निर्वाज्य , मनमोहक , लक्ष्य  वेधून  घेणारे  हास्य , हे  तुझ्या  लावण्यात  अधिकच  भर  टाकीत  आहे . किंबहुना  हे  तुझे  हास्य , या  सर्वांवर  मात  करीत  आहे , ते  या  सर्वांपेक्षाही  अतिशय  गोड , मधाळ , नुसते  टक  लावून  पाहात  राहावे  असेच  आहे . आणि  या  हास्यासच  भुलून , त्यात बुडून  तर  मी  तुझ्या  प्रेमात  पडलोय .
या  दैवी , अति -सुंदर , अति -मोहक  हास्यानेच  तर  मला  तुझ्याकडे  नकळत  ओढले  आहे . तुझ्या  हसण्यात  अशी  जादू  आहे , की  कुणाचेही  कर्ण  हा  जादुई  आवाज  ऐकून , मोहित  होतील , असे  तुझे  हे  मंतरलेले  , भ्रमित  करणारे  हास्य  ऐकूनच  तर  मी  तुझ्याकडे  आकर्षिलो  गेलो  आहे . आणि  या  हास्यानेच  आपले  प्रेम  अधिक  दृढ  केले  आहे . प्रिये , तू  अशीच  राहा , अशीच  हसत  राहा . तुझ्या  चेहऱ्यावर  दुःखाचे  सावट  येऊ  देऊ  नकोस . हास्याचे  मळे  फुलवीत  राहा .

==============
तुझे  ते  हसणे
सर्वापेक्षाही गोड आहे
तुझ्या त्या हास्याकडेच तर
माझ्या प्रेमाची ओढ आहे.
=============

--नव-चारोळीकार
----------------

                    (साभार आणि सौजन्य-संदर्भ-ऑल इन मराठी.कॉम)
                   ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-21.06.2022-मंगळवार.