मला आवडलेल्या चारोळ्या-चारोळी क्रमांक-29

[Atul Kaviraje]

                                  मला आवडलेल्या चारोळ्या
                                     चारोळी क्रमांक-29
                                -------------------------

मित्र/मैत्रिणींनो,

     --नवं  चारोळीकार  या  चारोळीतून  नायकाच्या  जीवनाचे  यथार्थ  चित्रण  करीत  आहे . या  प्रेमींच्या , नायकाच्या  जीवनात  आलेली  दुःखे , आलेली  संकटे , आलेले  चढ -उतार , खाच -खळगे  यातून ही  त्याने  सही -सलामत  मार्ग  काढून , त्या  संकटांशी  मुकाबला  करून , पुढे  जायचे  ठरविले  आहे . त्याला  जीवनाचा  खरा  अर्थ  उमगला  आहे . संकटे  कितीही  का  येवोत , पण  यातूनही  नक्कीच  मार्ग  निघेल , तेच  दिवस  परत  नाही  येणार , पुन्हा  नवीन  चांगले  दिवसही  येतील , याची  या  नायकास  खात्री  आहे , विश्वास  आहे . 

     पुढे  जाऊन  हा  नवं -चारोळीकार  म्हणतोय , माझ्या  आयुष्याचा  झोका  जिथे  थांबला  होता , भरारी  घेत  नव्हता , यापुढे  तोही  उंच  उंच  भरारी  घेईल . थोडीशी  वाट  पाहावी  लागेल  इतकंच , पण  हेच  दिवस  नाही  राहणार . आणि  हे  सर्व  माझ्या  प्रिये , तुझ्यामुळेच  शक्य  आहे . तुझी  मला  शेवटपर्यंत  साथ  हवी , सोबत  हवी . माझा  हात  हाती  घे , आणि  चल, आरूढ  हो  या  झोक्यावर , सर्व  संकटांवर  मात  करून  आपण  पुन्हा  एक  नवी  उंच  भरारी  घेऊ , अन  पुन्हा नव्याने  आपले  आयुष्य  सुरु  करू .

============
झोका पुन्हा घेईल,
ऊंच ऊंच भरारी..
तुझ्यासवे येईल प्रिया,
आयुष्याला नवी उभारी...
============

--नव-चारोळीकार
-----------------

                        (साभार आणि सौजन्य-मराठी नेतृत्व.कॉम)
                       -------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-30.06.2022-गुरुवार.