मला आवडलेल्या चारोळ्या-चारोळी क्रमांक-30

[Atul Kaviraje]

                                  मला आवडलेल्या चारोळ्या
                                     चारोळी क्रमांक-30
                                -------------------------

मित्र/मैत्रिणींनो,

     --हा  नवं  चारोळीकार  आपल्या  आईची  महानता  गाताना  कधीच  कंटाळत  नाही . आजवरच्या  या  पूर्वीच्या  चारोळ्यांतून  त्याने  आईची  त्याच्या  जीवनातील  प्रत्येक  बाजू  उजवी  असल्याचे  प्रकर्षाने  मांडले  आहे . शेवटपर्यंत  कुणीही  सोबतीला  नसते , पण  ती  आई  मात्र  आपल्या  मुलांना  कधीच  अंतर  देत  नाही . आईची  सावली  प्रत्येकवेळी  मुलांच्या  डोक्यावर  छत्री  सारखी  कायम  असते .ती  त्यांना  उन्हाची  झळ  कधीच  लागू  देत  नाही .  तिच्या  मायेची  पाखर  ती  सदैव  मुलांवर  पखरत  असते .

     पुढे  हा  नवं  चारोळीकार  भाव -विवश  होऊन  म्हणतोय , आई  खूप  प्रेमळ  असते ,तिचं  मन  निरागस , स्फटिकासमान  फारच  निर्मळ  असतं . तिच्या  मनात  आपल्या  मुलांसाठी  द्वेष , आकस , मत्सर  आदी  भावना  कधीच  थारा  धरीत  नाहीत . आपल्या  मुलांची  सर्व  दुःखे  ती  स्वतः  घेऊन,  त्याजागी  त्यांचं  मन  हे  आनंदाने  भरून  टाकते . स्वतः  दुःख  सोसते , दुःखी  होते , परंतु  आपल्या  मुलांना  ती  कधीच  दुःखात , रडताना  पाहू  शकत  नाही . सर्वतोपरी  प्रयत्नांची  पराकाष्ठा  करून  आपल्या  मुलांना  ती  हसत  खेळतच  ठेवते . खरोखर  आई  ही  आईच  असते .

===============
आई खूप प्रेमळ असते
मन तीचं फार निर्मळ असते
आनंद सारा देऊन आपल्याला
दुःख आपलं घेऊन जाते.
===============

--नव-चारोळीकार
----------------

                        (साभार आणि सौजन्य-मराठी नेतृत्व.कॉम)
                       -------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-02.07.2022-शनिवार.