मला आवडलेल्या चारोळ्या-चारोळी क्रमांक-31

[Atul Kaviraje]

                                 मला आवडलेल्या चारोळ्या
                                     चारोळी क्रमांक-31
                                ------------------------

मित्र/मैत्रिणींनो,

     --नवं -चारोळीकारास  या  जीवनाचा  बरा  वाईट  अनुभव  आल्याचा  या  प्रस्तुत  चारोळीतून  दिसत  आहे . तो  म्हणतोय , आतापर्यंत  मला  बरीच  माणसे  भेटली . पण  ती  सारीच  काही  वाईट  नव्हती  बरं . त्यातल्या  त्यात  चांगलीही  होती . मला  खूपच  बरा -वाईट  अनुभव  त्यांचे  संगतीत  राहून  आला . काहींनी  मला  आपले  म्हटले , तर  काहींनी  मला  दुजे  म्हटले . मी  सर्वांशी  एकसारखाच  वागण्याचा  प्रयत्न  केला . परंतु  काहींना  माझा  तो  स्वार्थ  वाटला , तर  काहींना  ती  मदत , आपलेपणा  वाटला .

     तर  अशी  ही  माणसांची  जात , या  माणसांचे  मन  समजण्यास  मी  पूर्णतः  असमर्थ  ठरलो . त्यातले  काही  माझं  बोट  धरून  चालले , मीही  त्यांचा  हात  धरून  चाललो , काहींनी  मला  शेवटपर्यंत  साथ  दिली , आपणहून  मला  पत्करले , माझ्या  सर्व  चुकांकडे  दुर्लक्ष  करून  मला  स्वीकारले . पण  काहींनी  माझ्याकडे  चक्क  कानाडोळा  केला , दुर्लक्ष  केले , डाव  मध्येच  सोडून , मोडून  ती  कायमचीच  निघून  गेली , सोडून  गेली . अगदी  मागेही  वळून  न  पाहता . असो , आता  गेलेल्यांबद्दल  दुःख  नाही , पण  जी  माझ्या  सोबत  आहेत , त्यांना  मी  शेवटपर्यंत  धरून  ठेवलंय  , हे  विशेष . हेच  तर  जीवन  असतं .

================
जीवनाच्या  प्रवाहात
अनेक  माणसं  भेटतात
काही  आपल्याला  साथ  देतात ,
काही  सोडून  जातात .
================

--नव-चारोळीकार
----------------

                    (साभार आणि सौजन्य-संदर्भ-मराठी जर्नल.इन)
                   -----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-04.07.2022-सोमवार.