मला आवडलेल्या चारोळ्या-चारोळी क्रमांक-33

[Atul Kaviraje]

                                 मला आवडलेल्या चारोळ्या
                                    चारोळी क्रमांक-33
                               -------------------------

मित्र/मैत्रिणींनो,

     --चारोळीकार  आपल्या  प्रियेच्या  सहवासाची  सुंदर   स्वप्ने  रंगवत  असल्याचे  या  प्रस्तुत  चारोळीतून  दिसत  आहे . त्याच्या  या  चारोळीतील  नायक  म्हणतोय , की  प्रिये  आपली  बरेच  दिवस  भेट नाही  झालीय . तू  तिथे  आणि  मी  इथे , मिलनाचा,  भेटण्याचा  प्रश्नच  उद्भवत  नाही . पण  प्रिये , माझ्या  स्वप्नात  तर  तू  येऊ  शकतेस ! या  स्वप्नांतच  आता  आपली  गाठ  भेट  होईल , हे  नक्की . जे  प्रेम  तुझ्याविना  सत्यात  उतरत  नाही , ते  स्वप्नात  उतरेल, याची  मला  पूर्णपणे निश्चितच  खात्री  आहे .

     पुढे  हा  प्रेमी  असं  म्हणतोय , प्रिये  माझ्या  स्वप्नात  तू  ये , पण  वेळ  पाळून  ये . पहाटे -पहाटे  गुलाबी  थंडीत , गार  वाऱ्याच्या  सान्निध्यात , पक्ष्यांच्या  मंजुळ  किलबिलाटात , अत्यंत  शुद्ध  अश्या  या  वातावरणात  तू  माझ्या  स्वप्नात  ये . कारण  हीच  तर  खरी , शुद्ध , पवित्र  वेळ  आहे  की  जेव्हा  फक्त  सत्य  आणि  सत्यच  नजरेत  असत . दिवस  ढळत  चालला , माध्यान्य  आली , किंवा  कातरवेळ  किंवा  रात्र  आली , की  हे  मन  द्विधा  मनःस्थितीत  सापडलेलं  असतं . अनेक  विचारांनी  युक्त  असे  हे  मन  जणू  भाव -भावनांच्या  कात्रीत  सापडलेले  असतं . परंतु  अशी  एकचं  वेळ  स्वप्नासाठी  रम्य   असते  ती  म्हणजे  ही  पहाट , जिथे  मन  हे  शांत , प्रशांत  असतं . त्यात  कोणतीही  भावना  नसते . आणि  अश्या  या  रम्य  समयी , ते  फक्त  तुझीच  वाट  पाहत  असतं .

पहाटेच्या गार हवेत
शुद्धता खरे पणाची आहे
स्वप्नात माझ्या तू येण्याची
हीच खरी वेळ आहे.
============

--नव-चारोळीकार
----------------

                 (साभार आणि सौजन्य-संदर्भ स्टेटस.एंटरप्रुनरशीप.कॉम)
                -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-08.07.2022-शुक्रवार.