मला आवडलेल्या चारोळ्या-चारोळी क्रमांक-36

[Atul Kaviraje]

                                   मला आवडलेल्या चारोळ्या
                                       चारोळी क्रमांक-36
                                  ------------------------

मित्र/मैत्रिणींनो,

     --प्रस्तुत  चारोळीतून , हा  नवं -चारोळीकार  प्रेमात  भाव -व्हीव्हळ , भाव -विवश  झाल्याचे  दिसत  आहे . त्याने  प्रेम  केलंय , मनापासून केलंय . कोणतीही  कसर , उणीव  न  ठेवता  त्याच्या  या  नायकाने,  प्रेमीने आपल्या  प्रेयसीवर  उदात्त , निस्सीम  प्रेम  केलंय . काहीही  स्वार्थ  न  ठेवता , अगदी  निस्वार्थ , निरामय , निखळ ,निर्मळ, स्फटिकासमान  शुद्ध ,पवित्र , पावन  असं  प्रेम  केलंय . त्यात  वासनेला , शरीरसुखाला  काहीही  थारा  नाही , नामोनिशाणही  नाही . असे  हे  त्याचे  प्रेम  दैवी , स्वर्गीय ,उदात्त  असे आहे .

     आणि  त्याच्या  या  प्रेमिकेस  काही  कारणामुळे  बिछडताना , जुदा  होताना , फारकत  होताना  , ताटातूट  होताना  त्याचे  काळीज  पिळवटून  निघत  आहे . तिच्याशिवाय  जगणं  हे  जगणं  नाही , असं  त्याला  प्रकर्षाने  जाणवतंय . तिच्याशिवाय  आपण  नाही  हे  त्याला  कळून  चुकलंय . तो  म्हणतोय , हे  प्रिये , माझ्या  हृदयात  तुझी  छबी  इतकी  वसली  आहे , की  केव्हातरी  स्वप्नांत , किंवा  प्रत्यक्षात  येऊन  पहा , तिथे  तुला  तुझीच  तसबीर , तुझीच  छबी  दिसेल . आणि  मग  तुला  हेही  कळेल , की  माझ्या  हृदयाला  तुझीच  गरज  आहे . ते  तुझीच  आठवण  काढतंय , तुझंच  नांव  वारंवार  घेतंय .

     पुढे  भावनांनी  व्याकुळ  होऊन  तो  असं  म्हणतोय , तू  मला  सोडून  गेलीस , हेही  दुःख  मी  सहन  केलं , तुझे जुदाईतील  दुःख , वेदना  मी  सहज  पचवल्या . बराच  काळ  लोटला  तरी , अजूनही  तुझी  याद  मला  सतावते  आहे . या  हृदयात  फक्त  तुलाच  जपलंय , जतन  केलंय . यात  तुझ्या  व्यतिरिक्त  कुणालाही  प्रवेश  नाही . इथे  फक्त  तू  आणि  तूच  राहणार  आहेस , अगदी  शेवट  पर्यंत . तू  ये  अथवा  नको  येऊस , माझे  हे  हृदय  शेवट  पर्यंत  तुझंच  नांव  घेत  राहील . फक्त  तुलाच  ते  प्रेमाने  जपत  राहील . तुझे  नांव  जतन  करत  राहील . अंती  तुझेच  नांव , तुझीच  छबी  त्यावर  ते  कोरून  ठेवेल .

हृदयात  येऊन  बघ  अजून
त्याला  तुझीच  गरज  आहे....
तू  गेल्यानंतरही  त्यात
तुलाच  प्रेमाने  जपत  आहे....
===============

--नव-चारोळीकार
------------------

                          (साभार आणि सौजन्य-संदर्भ-इन मराठी.इन)
                     -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-14.07.2022-गुरुवार.