मला आवडलेल्या चारोळ्या-चारोळी क्रमांक-37

[Atul Kaviraje]

                                   मला आवडलेल्या चारोळ्या
                                      चारोळी क्रमांक-37
                                  ------------------------

मित्र/मैत्रिणींनो,


      --नवं  चारोळीकाराच्या  या  प्रस्तुत चारोळीत  जीवनाचा  सुंदर  गर्भितार्थ  दडला  आहे . त्याने  या  जीवनात  बरीच  सुख -दुःखे  भोगली  आहेत . या  जीवनाचा  कटू -गोड  अनुभव  घेत  तो  मोठा  झालाय . पण  तो  म्हणतोय , की  या  जीवनाने  मला  हसवण्या  ऐवजी  बरंच  रडवलंय . सुखापेक्षा  जास्त  दुःखेच  माझ्या  वाट्यास  आली . वाटणारं  ते  सुखाचं  फक्त  मृगजळच  होतं , पण  वास्तवात  ते  एक  रखरखीत  वाळवंट  होतं . या  जीवनाने  आतापर्यंत  मला  खूपच  अनुभव  दिला  आहे . आता  बस  झालं .

     पुढे  तो  उद्वेगाने , हताशपणे  म्हणतोय , की  हे  जीवना, आता  तुझं  खूप  झालं , मी  खूप  सोसलं , दुःखाचे  डोंगर  उपसले , दुःखे  भोगत  भोगत  माझे  अश्रूही  सुकून  गेले . त्यावेळी , माझं  सांत्वन  करायला , माझे  अश्रू  पुसायला  बरेचसे  हात  पुढे  आले  होते . काहींनी  मला  पुचकारलं , गोंजारल , माझे  दुःख  स्वतःच  केलं , माझी  विचारपूस  केली , मला  हसवलं . पण  तेही  काही  काळापुरतंच . आता  त्या  लोकांना  स्वतःची  पण  दुःखे  आहेत . त्यांचा  स्वतःचा  संसार  आहे . कुटुंब  आहे . कालांतराने  तेही  मला  विसरले . आता  माझे  अश्रू  पुसण्यास  कुणीही  नाहीय . माझे  सांत्वन  करण्यास  कुणीही  नाहीय .

     यापुढे  मला  स्वतःलाच  माझे  दुःख  सहन  करायचे  आहे , स्वतःच  स्वतःचे  सांत्वन  करायचे  आहे , स्वतःचे  अश्रू  स्वतःच्याच  हातांनी  पुसायचे  आहेत . म्हणून  मी  म्हणतोय , की  हे  जीवना , आता  पुरे  कर , आता  बास  कर . आता  मला  अधिक  रडवू  नकोस , अति  दुःख  देऊ  नकोस , आता  मी  खूप  थकलोय . आता  मला  शांत  करण्यास  कुणीही  नाही . यापुढील  हा  माझा  प्रवास  एकाकीच  आहे , या  प्रवासात  माझ्याबरोबर  कुणीही  नाहीय . कृपया  मला  माझे  जीवन  शांतपणे  जगू  दे , हसत  खेळत  मला  हा  माझ्या  जीवनाचा  अंतिम , शेवटचा  टप्पा  गाठू  दे , पार  करू  दे .

रडवु नको मला
हे जीवना आता
शांत करायला
कुणीच नाहीये आता.
==========

--नव-चारोळीकार
----------------

                      (साभार आणि सौजन्य-संदर्भ-महाराष्ट्रीयन.इन)
                     ----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-16.07.2022-शनिवार.