चारोळी पावसाची-क्रमांक-23-आठवणींचा पाऊस

[Atul Kaviraje]

                                     चारोळी पावसाची
                                        क्रमांक-23
                                    ----------------

मित्र/मैत्रिणींनो,

     --नवं -चारोळीकाराच्या  स्मृतींना , आठवणींना  हा  पाऊस  उजाळा  देत  आहे . चारोळीकार  म्हणतोय , केव्हातरी  आपली  भेट  म्हणजे , त्याची  व  त्याच्या  प्रेयसीची  भेट , अशाच  एका  कातरवेळी , सायंकाळी  घडली  होती . आकाशात  काळेकुट्ट  ढग  भरून  आले  होते . अस्मान  त्यांच्या  दाटीने  पूर्णपणे  झाकोळून  गेले  होते .अन  अशातच  तो  पश्चिमेचा  गार  वारा  सरसरत  इतर  दिशांना  भरून  वाहू  लागला . त्याचा  तो  ओला  स्पर्श , नुकत्याच  येऊ  पाहिलेल्या  पावसाची  आठवण  करू  लागला . अन  पाहता -पाहता  अलगद  पावसाच्या  टपोऱ्या  थेंबांनी , दश -दिशा  व्यापून  गेल्या . आपल्या  प्रेयसीची  चिंब  ओली  मिठी  नकळत  आपल्याला जाणवून  गेली  होती , ती  स्पष्टपणे  चारोळीकारास  अजूनही  आठवतेय .

     आताही  जेव्हा  जेव्हा  पावसाच्या  दिवसांत , कातर  वेळ  येते , जेव्हा  जेव्हा  गार  ओले  आठवणींचे  वारे  वाहू  लागतात , जेव्हा  जेव्हा  अवचित  मिट्ट  काळोख  आकाशास  गवसणी  घालतो , जेव्हा  जेव्हा  सुखद  गारवा , ओलावा  शरीरात , मनात  भिनतो,  वाहतो , तेव्हा  तेव्हा  या  चारोळीकारास , आपल्या  सखीची , मैत्रिणीची , प्रेमिकेची  सय , आठवण , स्मृती  आल्याशिवाय  रहात  नाही . या  उपरोक्त  सर्व  घटना , ही  तिच्या  स्मृतीची  पुन्हा  एकदा  नांदी  घेऊन  त्याच्या  मनी  स्पर्श  करतात . आणि  मग  एकामागोमाग  घडणाऱ्या  या  घटनांनंतर  अवचित  पडणारा  तो  पाऊस , अंगावर  सुखद  रोमांच  फुलवणारा  तो  पाऊस , शरीराला  स्पर्श  करता -करता , मनालाही  स्पर्श  करून  जातो , मनात  दाटून  राहतो , अगदी  प्रेयसीच्या  आठवणींसारखा .

   आठवणींचा पाऊस
  ------------------
कातर वेळचा गार वारा,
तुझी स्मृती घेऊन भेटतो,
मिट्ट काळोख येता गारवा,
पाऊस अलगद मनात दाटतो.
==============

--नव-चारोळीकार
------------------

                     (साभार आणि सौजन्य-संदर्भ-मन माझे.ब्लॉगस्पॉट.कॉम)
                ------------------------------------------------------