मला आवडलेल्या चारोळ्या-चारोळी क्रमांक-41

[Atul Kaviraje]

                                   मला आवडलेल्या चारोळ्या
                                      चारोळी क्रमांक-41
                                 -------------------------

मित्र/मैत्रिणींनो,

     --नवं  चारोळीकारास  जीवनाचा  अर्थ  पूर्णपणे  समजलेला  आहे , असे  या  प्रस्तुत  चारोळीतून  स्पष्ट  होत  आहे . तो   म्हणतोय , जीवन  जगता  जगता  ते  कसं  आणि  कश्याप्रकारे  जगायचं  ते  आता  या  वयात  मला  ठाऊक  झाले  आहे . बालपणीचा , पौंगडावस्थेचा , तरुणाईचा  काळ   म्हणजे  बहार  होता .पण  जेव्हा  मी  त्यापुढच्या  अवस्थेत  पाऊल  ठेवलं , तेव्हाच  मला  माझ्या  कर्तव्याची  , जबाबदारीची  जाणीव  झाली . आणि  मग  समजलं , उमजलं  कि  जीवन  जगणं  हे  काही  सोपं  नाही . इथे  पावला -पावलांवर  परीक्षा  आहे . या  परीक्षेत  उत्तीर्ण  व्हायचं  असेल  तर , स्वतःचा  तोल , शिस्त , यम -नियम , या  सर्वांचा  समतोल  राखावयास हवा .

     पुढे  तो  असं  म्हणतोय , की  हे  जीवन  जगता  जगता  सुख  दुःखे  ही  येणारच . किंबहुना  सुखापेक्षा  कांकणभर  दुःखेच  जास्त  येणार . अश्या  वेळी , मनुष्याची  खरी  सत्त्व -परीक्षा  होते . ही  सारी  दुःखे  झेलत , तोंडावरचे  हसू  किंचितही  कमी  न  करता , आनंदी  असल्याचे  दर्शवायचे  असते . मुखावर  स्मित -हास्य  रेंगाळू  द्यायचे  असते . सुखी , आनंदी ,समाधानी  असल्याचे  दुसऱ्यास  पटवून  द्यायचे  असते . दुःखाचे  गाठोडे  तर  प्रत्येकजण  वाहून  नेत  असतो , पण  तेही  हसतमुखाने  वाहून , त्याचा  भार  हलकेच  कमी  करायचा  असतो . नशीब  बदलता  येत  नाही , पण  आपल्या  कृतीतून  तसे  भासवायचे  असते , की  अश्याही  परिस्थितीत मी  सुखी  आहे , आनंदी  आहे , समाधानी  आहे , परिपूर्ण  आहे . 

     मनुष्य  जन्म  हा  बऱ्याच  योनी  फिरून  मिळत  असतो . तो  असा  सहजI -सहजी  वाया  घालवायचा  नसतो . जीवनात  येणाऱ्या  अनेक  दुःखद  प्रसंगांना , कठीण  परिस्थितींना  सामोरे  जाऊन , त्यांचेशी  मुकाबला  करून  प्राप्त  परिस्थितीवर  विजय  मिळवूनच  जो  जगतो , पुढे  जातो  तोच  खरा  जगण्याच्या  लायकीचा  असतो . हात -पाय  गाळून  न  बसता , दुःखे  कुरवाळून, कवटाळून  न  राहता , धीराने , धीरोदात्तपणे  त्यांचा  मुकाबला  करून  जीवन  सार्थकी  लावणे , हाच  खरा  मानव -धर्म  होय .

जीवनात सदैव
आनंदी राहायचं असतं
कारण दुःखाचं गाठोडं इथं
प्रत्येकाच्या नशिबात असतं.
=============

--नव-चारोळीकार
----------------

                          (साभार आणि सौजन्य-मराठी विचार.कॉम)
                         --------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-25.07.2022-सोमवार.