चारोळी पावसाची-क्रमांक-24-प्रेमळ पाऊस

[Atul Kaviraje]

                                       चारोळी पावसाची
                                          क्रमांक-24
                                      ----------------

मित्र/मैत्रिणींनो,

     --जसा  पाऊस  प्रत्येकाला  हवा  असतो , त्याहुनी  जास्तच  तो  या  नवं -चारोळीकारास  आवडतो , असे  या  चारोळीतून  अभिप्रेत  आहे . सर्वांना  मनाला  मोहवणारा , सर्वांना  आवडणारा , सर्वांना  डोलवणारा,  अश्या  या  पावसाची  प्रत्येकजण , मनुष्य  काय  तर  इतर  प्राणी -मात्र , हे चराचरही  आतुरतेने  वाट  पाहत  असते . डोळयांना  अन  मनालाही  गारवा  देणारा , मन  शांत  करणारा , तन  भिजवणारा  असा  हा  पाऊस  सर्वांना  हवाहवासा  असतो . वृक्षराईंना , पानI -फुलांना  संजीवनी  देणारा  तो  असतो , पण  त्यांचे  जीवनही  तर  तो  असतो .

     या  चारोळीकारास  अजून  एका  कारणाने  पाऊस  अधिकच  आवडतो . तो  म्हणतोय , की  हा  पाऊस  सर्वांना  एकाच  नजरेने  पाहतो . तो  कुणावरही  भेद -भाव  करीत  नाही . सर्व  काही  त्याच्या  नजरेत  एकच  असते . सर्वांनाच  तो  भिजवतो , अगदी  सर्व  अंगानी , सर्व  दिशांनी . वृक्ष -राईंची , झाडांची  तर  त्याचेवर  विशेष  मर्जी  असते . तो  येताना  सोबत  पवनही  घेऊन  येतो . आणि  या  वाऱ्यासोबत , आणि  पावसासोबत  मग  झाडे , वृक्ष  भिजू  लागतात , आनंदाने  डोलू  लागतात . तो  गुलमोहोरही  मग  अतीव  आनंदाने  पावसाचे  स्वागत  करीत  राहतो , वाऱ्यासंगें  झुलत  राहतो , फुलत  राहतो . पण  हा  पाऊस  फक्त  एवढेच  करून  थांबत  नाही . तर  तो  तितक्याच  मायेने  काटेरी  बाभळीलाही  जवळ  करतो .

    हा  पाऊस  जितकं  पाणी  रुपी  प्रेम  या  गुलमोहराला  देतो , तितकंच  प्रेम  या  बाभळीलाही  देतो . त्याच्यावर  तो  गुलमोहरा -एवढीच  माया  करतो . त्याच्या  नजरेत  वेगळेपण  असं  काहीही  नसत . मोहकता , सुंदरता , आकर्षकता  या  सर्वांना  तो  पारखतोच , पण  सोबत  काटेरी , कंटकीय , ओबड -धोबड  अश्या  राईनाही  तो  तितकीच  जल -संजीवनी  देतो . खरोखरच  हे  पावसा  तू  महान  आहेस . म्हणूनच  तर  तू  मला  आवडतोस , असं  हा  चारोळीकार  निक्षून  सांगतोय .

    प्रेमळ पाऊस
   -------------     
मला आवडतो पाऊस
गुलमोहराला फुलवणारा,
अन, तेवढ्याच मायेने,
बाभळीलाही झुलवणारा.
============

--नव-चारोळीकार
----------------

                  (साभार आणि सौजन्य-संदर्भ-मन माझे.ब्लॉगस्पॉट.कॉम)
                 -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-26.07.2022-मंगळवार.