मला आवडलेल्या चारोळ्या-चारोळी क्रमांक-42

[Atul Kaviraje]

                                   मला आवडलेल्या चारोळ्या
                                      चारोळी क्रमांक-42
                                  ------------------------

मित्र/मैत्रिणींनो,

     --नवं  चारोळीकाराचा , बेधडक , बिनधास्त  स्वभाव या  प्रस्तुत  चारोळीतून  दिसून  येतोय  . मानवी  मन  हे  भाव -भावनांचा  कल्लोळ  असल्याचे  एक  अगम्य  स्थान ,ठिकाण . मानवी  मनाचा  ठाव , थांग-पत्ता हा कोणासही  अजूनही  ज्ञात  नाही . तोंडावर  एक  अन  मनात  एक  असं  म्हणतात , तेही  काही  अगदी  खोटं  नाही . असे  अनेक  बरे -वाईट , भले -बुरे  विचार  हे  मानवी  मनातून  क्षणोक्षणी  प्रगट  होत  असतात . मन  हेच  या  अनंत , अनेक , अनाकलनीय  विचारांचे  गूढ  उगम -स्थान   असते .

     हा  नवं -चारोळीकार  पुढे  असं  म्हणतोय , या  विचारांमध्ये  असाही  एक  तारुण्यात  खास  करून  उद्भवणारा  विचार  म्हणजे , अश्लील  विचार . श्लील  आणि  अश्लील , वाचकांना  याची  जाणीव  असेलच. तर  असे  विचार  सहजगत्या  कुणी  बोलून  दाखवत  नाहीत , कारण  त्यांना  काही  मर्यादा  असतात . ते  जन -सामान्यIत  बोलण्यासारखे  नसतात , असं  चारोळीकार  म्हणतो . परंतु  त्याचा  बेधडक , बिनधास्त  स्वभाव  त्याला  स्वस्थ  बसू  देत  नाही . तो  म्हणतो , अश्लील  असले  तरी  ते  विचारच  तर  आहेत . उघडपणे  बोलता  येणं  शक्य  नाही , म्हणून  काय  झालं  ?

      आणि  पुढे  निर्धास्तपणे  तो  असंही  म्हणतोय , की  हे  अश्लील  विचार  आत , मनात  किती  काळ  का  बरं  कोंडून  ठेवायचे  ? त्यांना  मोकळं  करावं , बोलणं  शक्य  नाही  तर  त्यांना  लिहून  काढावं , त्या  विचारांना  वहीवर  स्थान  द्यावं . मनातली  सारी  घालमेल , अस्वस्थपणा  लेखणीद्वारे  लिहून  मोकळा  करावा . मनात  काहीच  कोंडून , दडवून , लपवून  न  ठेवता  अगदी  एकदाच , ते  सर्व  सर्व  लिहून   मोकळं  व्हावं . आणि  तुमच्या  मनात  जे  काही  चाललंय , ज्याची  तुम्हाला  आजवर  बोच , सल  होती , ती  खरेपणाने  मान्य  करावी . मनात   किंतुही  न  ठेवता  ते  सारं  सत्य  उतरवून  काढून  एक  प्रकारे  कबुली -जबाबच  द्यावा  . त्यातच  तुमचे  साफ , मोकळे , सुंदर  मन  निश्चितच  दिसून  येईल . त्यामुळे  न  घाबरता , कुणाचीही  पर्वा  न  करता  तुम्ही  अश्या  या  अश्लील  विचारांना लेखणीद्वारे वाट  मोकळी करून  द्या .

मनातल्या अश्लील विचारांना
आत का ठेवायचं म्हणतोय
लिहून काढू एकदा सारच,
खरं ते मान्य करा म्हणतोय.
=============

--नव-चारोळीकार
----------------

                 (साभार आणि सौजन्य-संदर्भ स्टेटस.एंटरप्रुनरशीप.कॉम)
                -------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-27.07.2022-बुधवार.