II श्री गुरु देव दत्त II-श्री दत्त भक्ती गीत-दत्तदिगंबर दैवत माझे

[Atul Kaviraje]

                                     II श्री गुरु देव दत्त II
                                    --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचे एक भक्ती गीत. या भक्ती गीताचे बोल आहेत- "दत्तदिगंबर  दैवत  माझे"


                                     श्री दत्त भक्ती गीत
                                 "दत्तदिगंबर  दैवत  माझे"
                                -----------------------


दत्तदिगंबर  दैवत  माझे
हृदयी  माझ्या  नित्य  विराजे

अनुसूयेचे  सत्त्व  आगळे
तिन्ही  देवही  झाली  बाळे
त्रैमूर्ति  अवतार  मनोहर
दीनोद्धारक , त्रिभुवनी  गाजे

तीन  शिरे  कर  सहा   शोभती
हास्य  मधुर  शुभ  वदनावरती
जटाजूट  शिरी  पायी  खडावा
भस्मविलेपित  कांती  साजे

पाहुनी  प्रेमळ  सुंदर  मूर्ती
आनंदाचे  आसू  झरती
सारे  सात्त्विक  भाव  उमलती
हळू  हळू  सरते  मीपण माझे

=============
गीत- कवी सुधांशु
संगीत- आर एन  पराडकर
स्वर- आर एन पराडकर
गीतप्रकार- भक्तीगीत
=============

                   (साभार आणि सौजन्य-संदर्भ-आठवणीतली-गाणी.कॉम)
                  ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-28.07.2022-गुरुवार.