मला आवडलेल्या चारोळ्या-चारोळी क्रमांक-43

[Atul Kaviraje]

                                 मला आवडलेल्या चारोळ्या
                                    चारोळी क्रमांक-43
                                ------------------------

मित्र/मैत्रिणींनो,

     --नवं  चारोळीकाराने  आपल्या  प्रेयसीवरचे  आपले  प्रेम  सिद्ध  करण्यासाठी  अनेक  विशेषणांचा  फार  चातुर्याने  वापर  केल्याचे  या  प्रस्तुत  चारोळीतून  प्रत्ययास  येत  आहे . तो  म्हणतोय , की  हे  प्रिये , तू  कुठेही  राहा , तुझे  प्रेम  मला  जाणवल्याशिवाय  रहात  नाही .तुझ्या  प्रेमात  इतकी  ताकद  आहे , की  ते  निशब्द , अव्यक्त  जरी  असले  तरी  ते , मी,  माझे  मन  सहजगत्या  जणू  शकतं . तुझे  असणे  आणि  नसणे  यामुळे  माझ्या  प्रेमात  काहीच  फरक  पडत  नाही . कारण  ते  माझ्या  सभोवताली , माझ्या  सोबत  नेहमीच  असतं  याचा  मला  वारंवार  प्रत्यय  येतो .

    पुठे  हा  चारोळीकार  असं  म्हणतो , की  तुझे  प्रेम  हे  इतके  जिवंत , सजीव  आहे , की  ते  समजण्यास , त्याचे  आकलन  होण्यास  त्याची  नांदी  द्यावी  लागत  नाही . बस  तुझी  एक  चाहूलच  पुरेशी  आहे , की  जी  मलाच  काय  तर  या  झाडे -वेलींना , पानI -फुलांनाही  जाणवू  लागते . तुझे  प्रेम  इतके  दैवी  आहे , इतके  जादुई  आहे , की  तू  येताच  ही  सारी  बाग , वृक्ष -वाटिका , झाडे -झुडे  तुझ्याकडे  एका अज्ञात  शक्तीने  ओढली  जातात . तुझी  चाहूल  लागताच , ती  आनंद  विभोर  होऊन  डोलू  लागतात , हलू  लागतात . तुझी  जवळीक  माझ्याप्रमाणेच  त्यांनाही  हवी असते . ते  तुझ्यावर  माझ्यासारखंच  प्रेम  करतात . या  सर्व  चराचरासही  झुलवण्याची , डोलवण्याची  शक्ती  प्रिये , तुझ्या  प्रेमात  आहे , याची  मला  खात्री  पटत  आहे .

     आणि  ही  सर्व  झाडे , वेली , वृक्ष , पाने,  फुले  तुझ्या  येण्याचे  आमंत्रण  मला  नकळत  देऊन  जातात . त्यांच्या  या  विशिष्ट  वर्तनामुळे  मला  तू  आल्याचे  कळतं . ही  सर्व  वाटिका , आपल्या  प्रेमाचा  अनोखा  संदेश -वाहक  आहेत . अन  तुला  प्रत्यक्ष  पाहताच , माझे  कवी -मन  हलकेच  जागृत  होते , मन  शब्दांची  जुळवा -जुळव  आपसूकच  करू  लागतं . किंबहुना  असंही  म्हणण्यास  काही  हरकत  नाही , की   तुला  पाहताच  मला  कविता  स्फुरू  लागते , शब्द -शब्द  एका  कडीत  गुंफून , फेर  धरून  नाचत  एका  प्रेम -चारोळीस  जन्म  देतात . आणि  मग  मी आपल्या  प्रेमाची  ही  नुकतीच  स्फुरलेली , नुकतीच  जन्मलेली  अजोड  चारोळी  तुला  अर्पण  करतो .

तुझ्या प्रेमाची चाहूल लागताच
झाडे वेलीं हलू लागतात
आणि माझ्या मनामध्ये
शब्द जुळू लागतात.
==============

--नव-चारोळीकार
----------------

                   (साभार आणि सौजन्य-संदर्भ-ऑल इन मराठी.कॉम)
                  ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-29.07.2022-शुक्रवार.