कविता पावसाच्या-कविता-अकरावी-ऋतु हिरवा, ऋतु बरवा

[Atul Kaviraje]

                                     "कविता पावसाच्या"
                                       कविता-अकरावी 
                                    ------------------

मित्र/मैत्रिणींनो,

     पाऊस मनीचा मराठी कविता अर्थात मनातल्या काही पावसाच्या कविता तुम्हाला हव्या असतील तर तुम्ही या लेखाचा आधार घ्या. शांता शेळके आणि इतर साहित्यातील कवींच्या काही पाऊस कविता--

                                   "ऋतु हिरवा, ऋतु बरवा"
                                  -----------------------

ऋतु हिरवा, ऋतु बरवा, पाचूचा वनि रुजवा ।
युग विरही हृदयांवर सरसरतो मधु शिरवा ।। ऋतु हिरवा ।।

भिजुनी उन्हे चमचमती, क्षण दिपती क्षण लपती ।
नितळ निळ्या अवकाशी मधुगंधी तरल हवा ।।

मनभावन हा श्रावण, प्रियसाजण हा श्रावण ।
भिजवी तन, भिजवी मन हा श्रावण ।।
थरथरत्या अधरांवर प्रणयी संकेत नवा ।।

नभी उमटे इंद्रधनू, मदनाचे चाप जणू ।
गगनाशी धरणीचा जुळवितसे सहज दुवा ।।

--कवयित्री-शांता शेळके
---------------------

संकलक-दीपाली नाफडे
---------------------

                    (साभार आणि सौजन्य-संदर्भ-मराठी .पॉप xo.कॉम)
                   ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.08.2022-सोमवार.