मला आवडलेल्या चारोळ्या-चारोळी क्रमांक-45

[Atul Kaviraje]

                                   मला आवडलेल्या चारोळ्या
                                      चारोळी क्रमांक-45
                                  ------------------------

मित्र/मैत्रिणींनो,

     --या  चारोळीतून  हा  नवं  चारोळीकार , आपले  आपल्या  प्रेयसीवरचे  प्रेम  आगळ्या -वेगळ्या  प्रकारे  व्यक्त  करीत  आहे . त्याचे  तिच्यावर  प्रेम  आहे , तिचेही  त्याच्यावर  प्रेम  आहे . दोघांच्या  नेहमीच  भेटी  होतात . दोघांची  नेहमीच  गाठ  पडते . परंतु  दोघेही  प्रेम  व्यक्त  करण्यास , आपले  प्रेम  एकमेकांना  विदित  करण्यास कचरतात . प्रेमात  पुढाकार  कोणाकडून  होईल, हे  ते  दोघेही  सांगू  शकत  नाहीत . कारण  काहीही  असो , पण  त्यांचे  हे  प्रेम  निःशब्दच  फुलतं . त्यांच्यात  संवाद  असा  कधी  होतंच  नाही . ते  आपले  एकमेकांवरचे  प्रेम  एकमेकांना  सांगू  शकत  नाहीत . अबोल  असं  हे  प्रेम , ते  न  बोलताच  मग  दोघांच्याही  ओठांवर  रेंगाळत  राहतं .

     पुढे  जाऊन  चारोळीकारचे  असं  म्हणणं  आहे  की , हे  आम्हा  दोघांचे  प्रेम  निःशब्द , अबोल  जरी  असले  तरी ते  अतीव  सुंदर  आहे , निर्मल  आहे , निरागस  आहे , स्फटिकासमान  पवित्र , पावन , शुद्ध  आहे . आणि  ते  यापुढेही  असंच  सुंदर  राहू  दे . त्याला  कोणाचीही  नजर  नको  लागू  दे . आता  तर  आम्हा  दोघांचेही  मन , डोळे , ओठ  इतके  तयार  झाले  आहेत , की  नुसतं  एकमेकांना  पाहूनच , एकही  शब्द  न  उच्चारता  प्रेमाची  भाषा  दोघांनाही  कळून  येतेय . आता  आम्हा  दोघांना  शब्दांची  गरज  नाहीय .

     पुढे  हा  चारोळीकार  असं  म्हणतोय , की  आतासे  हे  निःशब्द  प्रेम  शब्दांवाचून  राहिलंय . ते  तिथे  आहे , आणि  तितकंच  आहे , ते  खुलत  नाहीय , की  फुलतं  नाहीय . या  प्रेमात  तर  आम्हा  दोघांनाही  पुढे  जायचंय . पुढची  वाटचाल  करायचीय . आणि  मग  त्याचं  या  प्रेमास  असं  मागणे  आहे , तो  प्रेमास  अशी  विनंती  करतोय , की हे  प्रेमा , तू  आमच्या  दोघांच्याही  स्वप्नात  एकाच  वेळी  ये . तिच्या  स्वप्नांत  मी , अन  माझ्या  स्वप्नात  ती . आणि  तिथे  त्या  प्रेमाला  तरी  वाचा  फुटू  दे , शब्दांनी  ते  व्यक्त  होऊ  दे . भाव -भावना  ओठांवर  येऊ  देत . अन  जर  असं  घडलं , तर  ते  फुलण्यास , खुलण्यास , व्यक्त  होण्यास  फार  वेळ  लागणार  नाही . म्हणून  हे  प्रेमा , तू  स्वप्नात  येऊन  आम्हा  दोघांना  एक  कर , आमच्या  मनातल्या  भावना  एकमेकांना  कळू  देत , या  भावनांना -प्रेमाला   पंख  फुटू  दे ,ते  मुक्त  विहरु  दे , उंच  उडू  दे , ते  खुलू  दे , फुलू  दे .

=============
हे  आपलं  अबोल  प्रेम
असंच  सुंदर  असू  दे
पण  स्वप्नात  का  होईना,
एकदा  तरी  खुलू  दे.
=============

--नव-चारोळीकार
----------------

                       (साभार आणि सौजन्य-संदर्भ-इन मराठी.इन)
                      ---------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-02.08.2022-मंगळवार.