मला आवडलेल्या चारोळ्या-चारोळी क्रमांक-46

[Atul Kaviraje]

                                  मला आवडलेल्या चारोळ्या
                                     चारोळी क्रमांक-46
                                 ------------------------

मित्र/मैत्रिणींनो,

     --नवं -चारोळीकाराची  अतिशय  दारुण  अवस्था , द्विधा  मनःस्थिती  झाल्याचे  या  प्रस्तुत  चारोळीतून  प्रत्ययास  येत  आहे . आज  तो  अतिशय  कठीण , बिकट  स्थितीत  सापडला  आहे . अतिशय  पेचात , कात्रीत  सापडला  आहे . त्याला  काहीही  सुचत  नाहीय . विवेक  बुद्धी  , सारासार  विचार -शक्ती , सर्व  सर्व  काही  त्याला  सोडून  गेल्याचे  जाहीर  होत  आहे . अतिशय  उद्वेगाने , खचलेल्या  मनःस्थितीत  तो  आज  वावरत  आहे . या  जीवनाचा  अस्त , अंत  समीप  आलाय , बेभान  अवस्थेत  हताशपणे  तो  हे  सांगतोय , नैराश्याच्या  गर्तेत  तो  सापडला  आहे .

     नक्की  या  नवं -चारोळीकाराच्या  जीवनात  काय  घडलं  होत , त्याला  काय  वाईट  दिवस  पाहावे  लागले होते , याचा  काही  सुगावा  या  चारोळीतून  लागत  नाही . पण  असे  काहीतरी  घडले   असावे , की  ज्यामुळे  त्याच्या   जीवनात  उलथा -पालथ  झाली  असावी . अतिशय  करुण , दारुण  अशी  ही  चारोळी , यातील  गहन  गर्भितार्थ  अनाकलनीय  असाच  आहे . तो  म्हणतोय , आज  मला  जावं  लागतंय , शेवटचेच  तुला  पाहून  घेतोय , पुन्हा  मी  परतून  येईन  हे  काही  सांगता  येत  नाही . जाताना  मला  मागेही  वळून  पाहाणं  जिकीरच , मुश्किल  झालं  आहे . कारण  हीच  आहे  ती  सीमा -रेषा  जिच्या  मर्यादेतच  माझं  सारं  काही  जमून  , जुळून  आलं  होत . पण  आता  परिस्थिती  बदलली  आहे . आता  सारं  काही  संपलं  आहे . ती  सीमा -रेषा  मी  कधीच  ओलांडली  आहे . 

     आता  यापुढे  परतून  येणं  नाही . मला  परतण्याचा  सारा  मार्ग  बंद  झाला  आहे . माझं  हे  जीवन  मला  आज  सरल्यासारखं , संपल्यासारखं  भासत  आहे , जाणवत  आहे . पुढे  सारा  अंधारच  आहे . कुंपणापलीकडे  काय  वाढून  ठेवलंय  ते  मला  येथूनच  दिसत  आहे . माझं  भविष्य  , उरलं -सुरलं  आयुष्य  इथेच  सरत  आहे . आयुष्याच्या  दोरीचा  पिळा  आता  सुटत  चालला  आहे . सारं  सारं  काही  संपलं  आहे . आता  मला  कशाचीही  आस  नुरलीय , माझ्या  साऱ्या  अiशा -आकांक्षा  मातीमोल  झाल्यात . अतिशय  दारुण , विदारक , मनाला  छिद्र  पडणारी  ही  चारोळी  ऐकून , वाचून  मन  खरोखरच  विदीर्ण  होतंय .

============
शेवटचं आज जाताना ,
मागे वळून पाहणं नव्हतं...
तेव्हाच कळलं मला ,
सारंच आता संपलं होतं
============

--नवं-चारोळीकार
----------------

                      (साभार आणि सौजन्य-संदर्भ-महाराष्ट्रीयन.इन)
                     ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-04.08.2022-गुरुवार.