प्रवास

[शिवाजी सांगळे]

प्रवास

सांगू किती...वेळ चालणार हा प्रवास
न् लाभणाऱ्या अनोळखींचा सहवास

भिन्न येथे प्रत्येकाचेच रंगरूप स्वभाव
जुळतात तरी ही बंध काही हमखास

वाट एक, एकत्र चालतो काळ काही
कोण कुठे वळेल? कुणाला अदमास

प्रवास आणि फक्त प्रवास अंता पर्यंत
हर एक दाखवी इथे जगण्याचा भास

सारे प्रवासी हो अनोळखी वाटेवरील
स्मरताती क्षण दिले घेतले प्रत्येकास

©शिवाजी सांगळे 🦋papillon
संपर्क: +९१ ९५४५९७६५८९