मला आवडलेल्या चारोळ्या-चारोळी क्रमांक-47

[Atul Kaviraje]

                                 मला आवडलेल्या चारोळ्या
                                    चारोळी क्रमांक-47
                                ------------------------

मित्र/मैत्रिणींनो,

     --आपल्या   प्रेयसीचे  अस्तित्त्व  हे  या  नवं -चारोळीकाराच्या  चारोळीतील  प्रेमीस  इतके  मोहित  करतंय  की  त्याला  अस्मानचं  ठेंगणे  होतंय . ती  जवळ  असली  की  काय  करू  आणि  काय  नको  असं  त्याला  होऊन   जातं . स्वर्ग  गवसल्याचाच  प्रत्यक्ष  आनंद  या  प्रेमीला  होतोय , हे  या  चारोळीतून  दिसून  येतंय . तिची  जवळीक  साधण्यासाठी , तिला  पाहण्यासाठी  तिचा  हा  आशिक , प्रेमी  रोज  तिच्याभोवती  असा  रुंजी  घालीत  आहे . त्याचे  मन , त्याचे  वर्तन   एखाद्या  भ्रमराप्रमाणे  चंचल  होत  आहे . तिला  पाहताच  तो  आपल्या  मनाला  आवरू  शकत  नाहीय . इतकी  तिची  जवळीक  त्याला  भ्रमित  करतेय , मोहित  करतेय .

     तिच्या  सौंदर्याचे  वर्णन , बखान  करताना  हा  प्रेमी  म्हणतोय , हे  प्रिये , तू  रोज  मला  भेट , तू  सतत  माझ्याजवळ  राहा . तुला  पाहूनच  मी  माझ्या  दिवसाची  एक  सुंदर  सुरुवात  करतो . तुझं   हे  भुरळ  पडणारे  सौंदर्य , लावण्य  पाहून  मी  माझा  उरतं  नाही . तुझ्या   सौंदर्यात  अशी  काही  जादू  आहे , की  दिल -खेचक  अशी  ही  तुझी   अदा   पाहूनच  मी  अक्षरशः  गर्भ -गळीत  होऊन  तुझ्याकडे  आकर्षिला  जातो . यंत्रवत  माझ्या  साऱ्या  हालचाली  तुलाच  पाहून  होतात , बरं  का  प्रिये . इतकी  तू  सुंदर  आहेस . इतकी  तू  देखणी  आहेस .

     चारोळीकार  पुढे  जाऊन  असं  म्हणतोय , की  हा  प्रेमी  आता  त्याच्या  प्रेयसीच्या  अत्यंत  समीप  पोचला  आहे . दुरून  दिसणारी  तिची  सुंदरता , जवळ  जाताच  त्याला  अIणिकच  मोहक , देखणी  अन  अप्रतिम  अशी  भासू  लागली  आहे . तो  तिच्या  इतक्या  जवळ  आहे , की  वाऱ्याने  उडणाऱ्या  तिच्या  बटा , तिचे  कृष्ण -कुंतल , तिचे  कुरळे  केस  त्याच्या  गालांना  स्पर्श  करून  जातं  आहेत . तिच्या  या  जादूभऱ्या  स्पर्शात  किती  काळ  तो  उभा  आहे , भ्रमित  आहे , मोहित  आहे , ते  त्याला  कळूनच  आलेलं  नाही . एक  आगळी -वेगळी  प्रेम -नशा , तिच्या  या  उडणाऱ्या  अन  त्याच्या  चेहऱ्याला  स्पर्श  करून  जाणाऱ्या  या  केसांनी  , बटानी  त्याला  जाणवू  लागली  आहे . तो  जणू  दुसऱ्या  दुनियेत  पोचला  आहे . तो  आता  त्याचा  नाहीच  आहे . त्याचे  अस्तित्त्व  केव्हाच  लोपलंय . आता  त्याला  फक्त  ती , तिची  जवळीक  आणि  तिचे  ते  भुरभुरणारे  गालांना  स्पर्श  करू  पाहणारे  केशचं  फक्त  जाणवत  आहेत . प्रेमाचा  एक  सुंदर  आविष्कार  येथे  या  चारोळीतून  प्रतीत  होत  आहे .

================
तू जवळ असली की
माझा मी उरत नाही..
भुरभुरणारे केस तुझे
माझ्या चेहऱ्यावरून हटत नाही...
================

--नवं-चारोळीकार
----------------

                       (साभार आणि सौजन्य-मराठी नेतृत्व.कॉम)
                      --------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.08.2022-शनिवार.