चारोळी पावसाची-क्रमांक-31-पावसातील प्रेम-स्पर्श

[Atul Kaviraje]

                                      चारोळी पावसाची
                                         क्रमांक-31
                                     -----------------

मित्र/मैत्रिणींनो,

     --नवं -चारोळीकाराच्या  या  प्रस्तुत  चारोळीतील  नायिका , प्रेमिका  ही  अगदीच  बिनधास्त  असल्याचे , धीट  असल्याचे , धीरोदात्त  असल्याचे  बखुबीनें  जाणवत  आहे . आपल्या  इतकेच  आपल्या  प्रियकराचे  आपल्यावर  खूप  प्रेम  आहे , हे  तिला  माहित  आहे . पण  त्या  दोघांनी  प्रेमाचे  पुढचे  पाऊल  अजूनही  उचललेले  नाही . प्रेमाचा  पुढचा  धडा  गिरवताना  ते  दोघेही  माघार  घेताहेत . तिच्यापेक्षाही  हा  तिचा  प्रेमी  खूपच  लाजवट  असा  भासतोय , वाटतोय . प्रेमात  पुढे  जाण्यास  तो  बिचकत  असावा , घाबरत  असावा , असे  या  चारोळीतून  नकळत  उमजत  आहे , समजत  आहे .

     पण  या  प्रेमिकेनेच  आता  पुढचे  पाऊल  उचलावयाचे  ठरवले  आहे . त्याच्याकडून  पुढाकार  घेण्यास  कचराई , दिरंगाई  होतेय. तर  आता  मीच  पुढाकार  घेते , असं  म्हणून  ती  निर्धाराने  या  प्रेमाची  पुढची  पायरी  ओलांडण्यास  तयार  आहे , उत्सुक  आहे . तिला  पाऊस  खूप  आवडतो . तिला  तोही  खूप  आवडतो . पावसाळ्याची  ती  वाट  पाहत  असते . ती  पावसाळयात  त्याची  वाट  पाहत  असते . आणि  पावसात  तो  दिसला , की  तिच्या  प्रेम -भावना  उचंबळून  येतात . अन  त्याने  तिला  प्रेमाने  पाहताच , तिला  काहीतरी  वेगळाच  भास  होतो . तिला  असं  वाटत , की  त्याने  असंच  माझ्याकडे  पहात  राहावं . त्याच्या  प्रेमाचा  नयन  शिडकावा , हा  त्या  पावसाच्या  पाण्याप्रमाणेच  माझ्यावर  व्हावा , अन  मी  त्यात  आकंठ  डुंबून , बुडून  जावे .

     पुढे  जाऊन  या  धीट , बिनधास्त  झालेल्या  आपल्या  नायिकेचे  आपल्या  प्रियकरास  असं  म्हणणं  आहे  की , असा  हा  पडणारा  पाऊस , अंग  अंग  ओलेचिंब  करणारा  पाऊस , आणि  त्यातच  हा  थंड   बोचरा  वारा  यापासून  मी  अंग  चोरताना , अंगावर  शहारे  आणताना , तुझ्या  हे  नजरेस  पडावे , आणि  कधी  नव्हे  तो , तू  मग  मला  तुझ्या  मिठीत  घ्यावे . तुझा  तो  धिटाईचा  स्पर्श  मला  जाणवावा , अन  मी  तुला  अधिकच  बिलगावे . तुझ्या  हा  हव्याहव्याशा  स्पर्शाने , मला  एका  अनोख्या  दुनियेत  घेऊन  जावे . आणि  हळू  हळू  तू  प्रेमाचे  पुढले पाऊल  उचलावे . त्याची  ही  सुरुवात  या  घट्ट  मिठीने  व्हावी . तुझा  हा  स्पर्श  मला  हवाय . तुझा  हा  प्रेमातील  संकुचितपणा  दूर  कर , जवळ  ये , अन  मला  मिठीत  घेऊन  कायमचा  माझा  हो .

       पावसातील प्रेम-स्पर्श
      -------------------
तू अस्स कधी पाहिलंस की वाटत ,
खरच पाऊस पडायला हवा,
मी अंग चोरताना तुझा,
धिटाईचा स्पर्श घडायला हवा.
================

--नवं -चारोळीकार
-----------------

                 (साभार आणि सौजन्य-संदर्भ-मन माझे.ब्लॉगस्पॉट.कॉम)
                -------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.08.2022-मंगळवार.