कविता पावसाच्या-कविता-एकोणिसावी-घन घन माला नभी दाटल्या, कोसळती धारा

[Atul Kaviraje]

                                     "कविता पावसाच्या"
                                     कविता-एकोणिसावी 
                                    -------------------

मित्र/मैत्रिणींनो,

     पुन्हा कालचा पाऊस म्हटला की आठवणी जमा होतात आणि मग पावसाच्या धारांबरोबर त्या आठवणीही बरसू लागतात. अशाच काही कालच्या पावसाच्या आठवणी. ग. दि. माडगूळकर आणि अशा साहित्यातील नावाजलेल्या कवींच्या काही पाऊस कविता.

                         "घन घन माला नभी दाटल्या, कोसळती धारा"
                        ----------------------------------------

घन घन माला नभी दाटल्या, कोसळती धारा ।
केकारव करी मोर काननी उभवून उंच पिसारा ॥धृ.।।

कालिंदीच्या तटी श्रीहरी ।
तशात घुमवी धुंद बासरी ।
एक अनामिक सुगंध येतो, ओल्या अंधारा ॥१॥
कोसळती धारा ।।

वर्षाकालिन सायंकाली
लुकलुक करिती दिवे गोकुळी ।
उगाच त्यांच्या पाठिस लागे भिरभिरता वारा ॥२॥
कोसळती धारा ।।

कृष्णविरहिणी कोणी गवळण ।
तिला अडविते कवाड, अंगण ।
अंगणी अवघ्या तळे साचले, भिडले जल दारा ॥३॥
कोसळती धारा ।।

--कवी-ग. दि. माडगूळकर
------------------------

संकलक-दीपाली नाफडे
---------------------

                    (साभार आणि सौजन्य-संदर्भ-मराठी .पॉप xo.कॉम)
                   ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.08.2022-मंगळवार.