मला आवडलेल्या चारोळ्या-चारोळी क्रमांक-49

[Atul Kaviraje]

                                 मला आवडलेल्या चारोळ्या
                                    चारोळी क्रमांक-49
                                ------------------------

मित्र/मैत्रिणींनो,

     --नवं -चारोळीकार , प्रस्तुत  चारोळीतून  प्रेमाच्या  अगदी  वेगळ्या  अश्या  भाषेचे  निवेदन  येथे  देत  आहे . त्याच्या  या  प्रेम -चारोळीतील  प्रेमीचे  त्याच्या  प्रेयसीवर , प्रियेवर  नितांत  प्रेम  आहे . तिचेही  त्याच्यावर  असावे , कारण  ही  प्रेम -चारोळी  तिच्याभोवतीच  गुंफून  राहिली  आहे . या  नवीन  प्रेम -भाषेचे  हा  प्रेमी  यथार्थ  असे  वर्णन  निखालसपणे  करीत  आहे . तो  म्हणतोय , प्रेम  म्हणजे  काही  एकमेकांचीच  फक्त  पसंती  नसते , तर  ते  आणि  काहीतरी  वेगळे , निराळे  असे  असते . ते  अतिशय  निखालस , शुद्ध , निर्मल , पवित्र , पावन  असे  असतेच  पण  यापुढेही  जाऊन  तो  म्हणतो , की  त्यात  काहीतरी  खास  असते . 

     नवं -चारोळीकाराचा  हा  प्रेमी , पुढे  प्रेमाच्या  अनेक  विशेषणांनी , वैशिष्टयांनी  प्रेम  कसे  असावे , याची  व्याख्या  देत  आहे . तो  म्हणतोय , की  एकमेकांना  या  प्रेमाचा  होकार  असावा  अथवा  नकार  असावा , यात  काहीच  अर्थ  नसतो , याला  कधी  काहीच  महत्त्व  नसते . या  प्रेमात  बुडालेल्या  प्रेमी -प्रेमिकांच्या  मनात  दाटलेल्या  भाव -भावना , सुख -दुःखे  याना  कधीच  काही  बंधन  नसते . त्या  अमर्याद  अश्याच  असतात . मनात  आल्यावर  त्या  शब्दांवाटे  ओठांतून  बाहेर  उमलू  लागतात . पण  तो  पुढे  जाऊन  असंही  म्हणतो , या  भावनांचाही  काही  उगम  नसतो , वा   अंत  नसतो . त्या  मुखावाटे  बाहेर  पडतात , आणि  तश्याच  विखुरल्या , विसरल्याही  जातात .

     आणि  यापुढच्या  शब्दांत  या  प्रेमीच्या  प्रेमाबद्दलच्या  खऱ्या  भावना  बोलून  जातात . तो  पुढे   म्हणतो , खरे  प्रेम  असं  असत , की  प्रेम  सांगण्यास , बोलून  दाखविण्यास  शब्दांची  खरं  तर  काहीच  गरज  नसते . तुमच्या  मनात , हृदयात  काय  चाललंय , त्यातल्या  नेमक्या  प्रेमाच्या  भावना  काय  आहेत , तुम्हा  प्रेमी -प्रेमिकांना  एकमेकांबद्दल  काय  वाटत , तुम्हाला  ओढ  का  आहे , हे  सर्व  विदित  करण्याची , शब्दांवाटे  सांगण्याची  काहीच  गरज  नसते , आवश्यकता  नसते . प्रेमाची  भावना  प्रदान  करणारा  आणि  आदान  करणारा  मनानंतर  फक्त  संवेदनशील  अवयव , गात्र  म्हणजे  नयन , डोळे ,चक्षु . मनातील  भावना  नेत्रांत  उमटतात , आणि  आपल्या  प्रेमी -प्रेमिकांना  प्रेमाची  भाषा  सहज  समजून  येते . थोडक्यात , डोळे  हे  प्रेमाचे  संदेश -वाहक  आहेत . तुमच्या  मनात  काय  चाललंय , तुमच्या  हृदयाचे  प्रेमात  काय  हाल  चाललेत  म्हणजे  नक्की  तुमच्या  मनाचा  ठाव  हे  डोळे  उत्तमपणे  दाखवून  देतात . न  बोलताही , हे  डोळे  ओठांनाही  भारी  पडतात . ते  बाजी  जिंकून  जातात . कुणीतरी  म्हटलं  आहे  ना  की , "डोळे  हे  जुलमी  गडे , रोखुनी  मज  पाहू  नको  ". याचाच   अर्थ   या  डोळ्यांवाटे मनातील  सर्व  भाव -भावना  सहजगत्या  समजतात . त्यासाठी  शब्दांची  गरज  नसते .

====================
होकारात  शब्दांना  महत्त्व  नसते
दाटलेल्या  भावनांना  काही  बंधन  नसते
डोळेच  सांगून  जातात  हाल  हृदयाचे ,
प्रेमात  शब्दांची  गरज  नसते
====================

--नवं -चारोळीकार
-----------------

                     (साभार आणि सौजन्य-संदर्भ-मराठी जर्नल.इन)
                    -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.08.2022-बुधवार.