भाव-गीत-अजून त्या झुडुपांच्या मागे

[Atul Kaviraje]

मित्र/मैत्रिणींनो,

     आज  ऐकुया एक भाव-गीत. या गीताचे गीतकार आहेत श्री  वसंत बापट , आणि याला स्वर दिला आहे श्री  दशरथ पुजारी यांनी. या भाव-गीताचे बोल आहेत- "अजून त्या झुडुपांच्या मागे " 

                                         भाव-गीत
                                "अजून त्या झुडुपांच्या मागे" 
                               -------------------------
                                 
अजून त्या झुडुपांच्या मागे
सदाफुली दोघांना हसते
अजून आपल्या आठवणींनी ,
शेवंती लाजवती होते.

तसे पाहाया तुला मला ग
अजून दवबिंदू थरथरतो
अर्ध्यामुर्ध्या कानगुजास्थव,
अजून ताठर चंपक झुरतो.

अजून गुंगीमध्ये मोगरा
त्या तसल्या केसांच्या वासे 
अजून त्या पात्यात  लव्हाळी,
होतंच  असते आपुले हासे.

अजून फिक्कट चंद्राखाली
माझी आशा तरळत आहे
गीतांमधले  गरळ झोकूनि,
अजून वारा बरळत आहे.

                    =================
                       । गीतकार : वसंत बापट ।
                       । संगीतकार : दशरथ पुजारी ।
                       । गायक : दशरथ पुजारी ।
                       । राग : यमनकल्याण ।
                       । गीतप्रकार : भावगीत ।
                    =================

                  (साभार आणि सौजन्य-संदर्भ-आठवणीतील गाणी.कॉम)
                  -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.08.2022-बुधवार.