बडबड गीत-पुष्प आठवे-असावा सुंदर चॉकलेटचा बंगला

[Atul Kaviraje]

                                         बडबड गीत
                                        ------------

मित्र/मैत्रिणींनो,

     बालगीते आणि बडबड गीते, या विषया अंतर्गत प्रस्तुत आहे माझे आठवे पुष्प. या गीताचे बोल आहेत- "असावा सुंदर चॉकलेटचा बंगला"

                                       पुष्प आठवे                                             
                              "असावा सुंदर चॉकलेटचा बंगला"
                             -----------------------------

असावा सुंदर चॉकलेटचा बंगला
चंदेरी सोनेरी चमचमता चांगला

चॉकलेटच्या बंगल्याला टॉफीचं दार
शेपटीच्या झुपक्यानं झाडून जाईल खार

असावा सुंदर चॉकलेटचा बंगला

गोल गोल लेमनच्या खिडक्या दोन
'हॅलो हॅलो' करायला छोटासा फोन

बिस्कटांच्या गच्‍चीवर मोर छानदार
पेपरमिंटच्या च्या अंगणात फुलं लाल लाल

असावा सुंदर चॉकलेटचा बंगला

चांदीच्या झाडामागे चांदोबा राहातो
मोत्याच्या फुलांतून लपाछपी खेळतो

उंच उंच झोक्याचा खेळ रंगला
मैनेचा पिंजरा वर टांगला

किती किती सुंदर चॉकलेटचा बंगला
चंदेरी सोनेरी चमचमता चांगला

असावा सुंदर चॉकलेटचा बंगला
चंदेरी सोनेरी चमचमता चांगला

👯🕴️👯🕴️👯🕴️👯🕴️👯🕴️👯🕴️

==========================
गाणे : असावा सुंदर चॉकलेटचा बंगला 
गीतकार  : राजा  मंगळवेढेकर
संगीतकार : मीना  खाडीकर     
गायक : रचना खाडीकर, योगेश खाडीकर, शमा खळे
==========================

-----संकलन
-----श्री.अतुल एस.परब(अतुल कवीराजे)
-----दिनांक-10.08.2022-बुधवार.