चारोळी पावसाची-क्रमांक-32-वेड लावणारा पाऊस

[Atul Kaviraje]

                                       चारोळी पावसाची
                                          क्रमांक-32
                                      -----------------

मित्र/मैत्रिणींनो,

      --सतत  शहाणपण  स्वीकारलेला  हा  नवं -चारोळीकार , कधी  कधी  अति  झाले  म्हणून  वेड्यासारखं  वागायचेही  ठरवतो . रोजच्या  जीवनात  काही  थोडा  फार  बदल  म्हणून  बहुधा  तो  असं  करीत  असावा . तो  जेव्हा  शहाण्यासारखा  वागतो , तेव्हा  जग  त्याला  एकाद्या  बुद्धिमान   व्यक्तीप्रमाणे  पहाते . परंतु  तोच  जर  वेडेपणाचे  नाटक  करू  लागला , आणि  वेड्यासारखे  वागू  लागला , तर  तेच  जग , तीच  लोकं  त्याला  जाब  विचारल्याशिवाय  राहत  नाहीत . आता  तर  हा  शहाण्यासारखा  वागत  होता , आणि  त्याला  एकाएकी  काय  झालं  बरं , असा  काय  हा  वेड्यासारखा  वागायला  लागला , असे  बरेच  प्रश्न  त्यांच्या  मनात  येतात , आणि  त्यांच्या  या  वेड्या  प्रश्नांना  उत्तर  देता  देता , या  शहाण्याचा  जीव  मेटाकुटीस  येतो . असो , हा  झाला  शहाणपणाचा आणि  वेडेपणाचा  खेळ .

     पुढे  हा  नवं -चारोळीकार  असं  म्हणतो , की  हे  सर्व  मुद्दामून  केल्यासारखंच  आहे . पण  पावसाळ्याच्या  दिवसात  पाऊस  पडल्यावर , पावसाची  वर्षभर  वाट  पाहणारा  हा  मनुष्य -प्राणी , चातकIसमान वाट  पाहणारा  हा  शहाणा  माणूस , मग  अगदी  वेड्यासारखं  नकळत  वागायला  लागतो . पाऊस  पाहिल्यावर  तो  इतका  भ्रमित , मोहित  होतो , की  अक्षरशः  मोरासारखा  नाचू  लागतो , गाणी  गाऊ  लागतो , बागडू  लागतो , आनंदी  होतो , उत्साही  होतो . मग  त्याला  वयाचे  बंधन  नसत , मर्यादा  नसते . पाऊस  पडल्यावर  आबाल -वृद्ध  जणू  एकाच  वयाचे  होतात . लहान  मुलांसारखेच  त्यांचे  वर्तन  असते . खरोखरच  हा  जादू  करणारा  पाऊस  माणसाला  वेड  लावतो . आपल्या  नादी  लावतो . सर्व  सर्व  काही  विसरून  हा  पाऊस  त्यांना  आपल्या  बरोबर  नाचायला  लावतो , बागडायला  लावतो ,  त्यांना  अक्षरशः  खूळ  लावतो , वेड  लावतो . खरोखरच , हे  पावसा  तुझ्यातच  आणि  फक्त  तुझ्यातच  अशी  शक्ती  आहे , की  तू  शहाण्या  माणसास  वेडा  करशील  आणि  वेड्या  माणसास  शहाणा .

   वेड लावणारा पाऊस
  -------------------
नसती उत्तरे द्यावी लागतात,
वेड्यासारखं वागल्यावर,
पण वेड्यासारखं वागायला होत,
पाऊस पडायला लागल्यावर.
===============

--नवं -चारोळीकार
-----------------

                 (साभार आणि सौजन्य-संदर्भ-मन माझे.ब्लॉगस्पॉट.कॉम)
                -------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-11.08.2022-गुरुवार.