कविता पावसाच्या-कविता-एकविसावी-आत्ता पावसाळा येईल

[Atul Kaviraje]

                                     "कविता पावसाच्या"
                                      कविता-एकविसावी 
                                     -----------------

मित्र/मैत्रिणींनो,

     पाऊस कविता, या मनातील भावना अत्यंत सुंदररित्या आपल्या जोडीदाराला सांगायच्या असतील तर उपयोगी ठरतात. त्यातही आपल्या मराठी साहित्यातील कवींच्या कविता या नक्कीच मनाला अधिक भावतात.

                                   "आत्ता पावसाळा येईल"
                                  ----------------------

आत्ता पावसाळा येईल
मन पुन्हा ओलं होईल
छत्री उघडू उघडू म्हणता
चिंब चिंब होऊन जाईल

कुणी तरी पावसाकडे
डोळे लाउन पहातंय
मळभ दाटल्या डोळ्यांचं
मन मात्र गातय

पाउस कधी मुसळधार
पाउस कधी रिपरीप
पाउस कधी संततधार
पाउस कधी चिडीचीप

आभाळभर डोळे आता
शोधत आहेत पाउस
कुणालाच दिसत नाही
पापण्यांमधला पाउस

खोल आठवणीचं बीज
अंकुरून येतं मनावर
वसंतात छाटलं असलं
तरी मन नसतं भानावर

--AUTHOR UNKNOWN
-------------------------

संकलक-दीपाली नाफडे
---------------------

                   (साभार आणि सौजन्य-संदर्भ-मराठी .पॉप xo.कॉम)
                  ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-11.08.2022-गुरुवार.