हिंदुस्थानी शास्त्रीय संगीत गायक व संगीतकार-अजित कडकडे-माझा देव पांडुरंग पंढरी

[Atul Kaviraje]

                     हिंदुस्थानी शास्त्रीय संगीत गायक व संगीतकार
                                    "अजित कडकडे"
                    ----------------------------------------

मित्र/मैत्रिणींनो,

     श्री.अजित कडकडे अर्थात श्री.अजितकुमार सदानंद कडकडे हे हिंदुस्थानी शास्त्रीय संगीत गायक व संगीतकार असून शास्त्रीय संगीत, उपशास्त्रीय संगीत, अभंग, नाट्यसंगीत, गौळणी, भावगीत, कबीर आणि मीराभजने, इत्यादी गायन प्रकारांमध्ये त्यांचा कमालीचा हातखंडा आहे. पहाडी खणखणीत आवाज, भावपूर्ण सादरीकरण, विशिष्ट प्रकारचा स्वर लगाव, कडाडणाऱ्या विजेसारख्या ताना, अशा वैशिष्ट्यांनी युक्त अशी त्यांची गायकी प्रचंड ताकदीची आहे. गंभीर-आक्रमक-हळुवार-भक्तिमय अशा सर्व प्रकारच्या गाण्यांमध्ये त्यांनी आपले वर्चस्व प्रस्थापित केले आहे. पंडित जितेंद्र अभिषेकी आणि पंडित गोविंदप्रसाद जयपूरवाले हे त्यांचे दोन गुरू. आज ऐकुया, श्री अजित याच्या सुमधुर आवाजात संत कान्होपात्रा यांचा एक भक्ती-अभंग.

                                      भक्ती-अभंग
                            "माझा देव पांडुरंग पंढरी पंढरी"
                           ----------------------------

माझा देव पांडुरंग पंढरी पंढरी | चंद्रभागेतीरी उभा वाटेवरी ||१||

पंढरीशी आला द्वारकेचा राणा | आनंद जाहला सनकाधिका ||२||

आषाढी कार्तिकी भक्त तेथे जाती | आनंदे नाचती जीवे भावे ||३||

म्हणे कान्होपात्रा दिनांचा दयाळा | विठ्ठल केशवा केव्हा भेट देशी ||४||

================
अभंग : माझा  देव  पांढरी
गायक : अजित  कडकडे
संगीतकार : विलासबुवा पाटील
अभंग-रचना : संत  कान्होपात्रा
================

     (साभार आणि सौजन्य-वीकएंड क्लासिक रेडिओ शो-कारवान-सारेगम मराठी)
                             (संदर्भ-अभंगास.ब्लॉगस्पॉट.कॉम)
    -------------------------------------------------------------------


------संकलन
-----श्री.अतुल एस.परब(अतुल कवीराजे)
-----दिनांक-11.08.2022-गुरुवार.