मला आवडलेल्या चारोळ्या-चारोळी क्रमांक-50

[Atul Kaviraje]

                                   मला आवडलेल्या चारोळ्या
                                      चारोळी क्रमांक-50
                                 -------------------------

मित्र/मैत्रिणींनो,

     --लोकांवर  किती  विश्वास  ठेवायचा  आणि  नाही  ठेवायचा , आणि  ठेवला  तर  त्याची  फल -प्राप्ती  काय , याची  बखुबी , अगदी  उत्तम  जाण  असलेली  ही चारोळी , या   नवं -चारोळीकाराच्या  लेखणीतून  प्रसवली  आहे . याबद्दल  या  चारोळीकारIचे  मानावे  तेवढे  आभार  कमीच  आहेत . जीवन  कसं  जगायचं  , हे  त्याला  आस -पासच्या  लोकांनी  दाखवून  दिल्याचे  बहुधा  दिसतंय . तर  अश्या  या  चारोळीकारास  आपल्या  जीवन -भरात  अनेक  विक्षिप्त  माणसे , अनेक  व्यक्ती  आणि  अनेक  वल्ली   भेटल्याचे  या  चारोळीतून  समजून  येते .

     पुढे  तो  असं  म्हणतोय , कुणा -कुणावर  मी  विश्वास  ठेवायचा , भरोसा  ठेवायचा ? या  लोकांना  मी  नीट  ओळखू  शकलो  नाही . काम  अडले  म्हणून , मदतीची  अपेक्षा , याचना  करीत  मी  अनेक  ओळखीच्या  आणि  अनोळखी  लोकांवर  विसंबून  राहिलो . पण  हे  करण्यातच  माझी  मोठी  चूक  झाली  हे  मी  कबूल  करतो , मान्य  करतो . हा  मी  इतरांवर  ठेवलेला  भरोसा , प्रत्यक्षात  विश्वासघातच  होता , हे  मी  अनुभवाने  येथे  सांगतोय . ज्यांच्यावर  मी  अति -विश्वास  ठेवला , त्यांनीच  मला  धोका  दिला . शेवटपर्यंत  माझे काम  तर  नाहीच  झाले , उलट -पक्षी , त्यांनी  मला  असा  विपरीत  धडा  शिकवला , की  मी  जन्मभर , आजवर  हे  भोगतोय , आणि  त्याचे  प्रायश्चित्तही  करतोय .

     आणि  अजून  एक  सांगायचं  बाकी  राहिलं , असं  हा  चारोळीकार  आवर्जून  सांगतो . तो  म्हणतो , की  हे  झालं  दुसऱ्यांवर  अति  विसंबून  राहिल्याचा  परिणाम  म्हणा , किंवा  दुष्परिणाम . पण  आता  असंही  घडतंय , की  मी  इतका  प्रामाणिक , अंतर्मनातून  साफ , स्वच्छ ,मोकळा , शुद्ध  चारित्र्याचा , पावन  विचारांचा  असा . पण  या  लोकांचा  माझ्यावरही  विश्वास  नाही , हे  तर  जरा  अति  होतंय . आता  असं  वाटू  लागलाय  की  हा  जो  विश्वास  आहे , तो  जणू  त्या  पानिपतात  धारातीर्थी  पडलाय  बहुधा . आता  तो  परतून  येणे  शक्य  नाही , कदापिही  नाही . आता  या  विश्वासाची  फक्त  वाट  पहात  राहावी . हे  जगच  असं  झालंय  की  कुणाचाही  कुणावर  विश्वास , भरोसा  राहिला  नाही . सद्य  परिस्थितीच  याला  कारणीभूत  असावी . असो , आता  मी  माझ्या  शब्द -कोषातून  विश्वास , भरवसा , भरोसा  हा  शब्द  कायमचाच  वगळला  आहे , काढून  टाकला  आहे , बाद  केला  आहे . 

==============
कुणी, आपल्यावर कोणाचा
भरवसा नाही म्हणून रडतो
तर कुणी, आपण इतरांवर
भरवसा ठेवला म्हणून रडतो.
==============

--नवं-चारोळीकार
----------------

                       (साभार आणि सौजन्य-मराठी विचार.कॉम)
                      --------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-12.08.2022-शुक्रवार.