कविता पावसाच्या-कविता-बाविसावी-खरा तर मी भाद्रपदातला

[Atul Kaviraje]

                                      "कविता पावसाच्या"
                                       कविता-बाविसावी 
                                     ------------------

मित्र/मैत्रिणींनो,

     परतीचा पाऊस हादेखील मनाला भावणारा असतो. मात्र त्यात एक उदासिनताही असते. परतीच्या पावसाची ही भावना अनेक कवींनी आपल्या शब्दात मांडली आहे.

                                   "खरा तर मी भाद्रपदातला"
                                  ------------------------

खरा तर मी भाद्रपदातला
कुणी म्हणे मला परतीचा,
गडगडाटाने मुद्दाम आलो
ठेउन मान तुमच्या प्रेमाचा !

मधल्या काळात रूसलो
आभाळातच लपुन बसलो,
चिडले सगळेच माझ्यावर
म्हणुन जाता जाता बरसलो !

पाहुन हिरवी चादर भुईवर
मन कस मग भरून येतं,
तोडू नका हो झाडं तुम्ही
मग मलाही बरसावं वाटतं !

द्याल वचन मला तुम्ही
वसुंधरा ठेवणार हिरवीगार?
ठेवुन लोभ तुम्हावर असाच
पुढल्या वर्षी परत येणार !

चार महिने पुरे झालेत
तुमच्याकडे गावी येउन,
रामराम स्विकारा माझा
चाललो मी परत निघुन !

--कवी-शिवाजी सांगळे
--------------------

संकलक-दीपाली नाफडे
---------------------

                    (साभार आणि सौजन्य-संदर्भ-मराठी.पॉप xo.कॉम)
                   ---------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-12.08.2022-शुक्रवार.