कविता पावसाच्या-कविता-पंचविसावी-बाहेर पाऊस पडतोय

[Atul Kaviraje]

                                    "कविता पावसाच्या"
                                     कविता-पंचविसावी 
                                   ------------------

मित्र/मैत्रिणींनो,

     परतीचा पाऊस हादेखील मनाला भावणारा असतो. मात्र त्यात एक उदासिनताही असते. परतीच्या पावसाची ही भावना अनेक कवींनी आपल्या शब्दात मांडली आहे.

                                   "बाहेर पाऊस पडतोय"
                                  ---------------------

बाहेर पाऊस पडतोय
आणि मला तुझी आठवण सतावतेय
त्या खोल डोहात पुन्हा डुबकी नको
असं म्हणून मन लगेच हृदयाला बजावतंय

पाऊस जोरात आला परतीचा
तू तशी परतून येशील का ?
जिथून उगम झाला आपल्या प्रेमाचा
त्या महासागरात पुन्हा विलीन होशील का ?

तू निघून गेलीस माझ्याजवळून
इतरांच्या आयुष्यात ओलावा देण्यासाठी
हा पाऊस जसा जाऊन पुन्हा परत येतो
तशी परत येशील का?

तो ओलावा देणंसुद्धा कठीणच होतं तुझ्यासाठी,
पण तरीही तू तुझ्या मनाला तयार केलंस
आपल्याच माणसांच्या आनंदासाठी
आपल्याच माणसाला सोडून दिलंस

पाऊस तर खरोखर परत येतो
आपल्या उगमस्थानास भेटण्या
तुझीच प्रतीक्षा असेल मला
तुझ्या सोबतीची असलेली माझी तृष्णा शमविण्या...

कवी-शब्दार्थजीवन
----------------

संकलक-दीपाली नाफडे
---------------------

                   (साभार आणि सौजन्य-संदर्भ-मराठी .पॉप xo.कॉम)
                  ---------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.08.2022-सोमवार.