मराठी हेल्थ ब्लॉग-रिलेशनशिप

[Atul Kaviraje]

                                    मराठी हेल्थ ब्लॉग
                                      "रिलेशनशिप"
                                   -----------------

मित्र/मैत्रिणींनो,

     आज वाचूया, "मराठी हेल्थ ब्लॉग ", या मधील "रिलेशनशिप" या सदरातील एक महत्त्वाचा लेख. या लेखाचे शीर्षक आहे- "तुम्ही एकतर्फी प्रेमाच्या नात्यात आहात का ?"

     एकतर्फी प्रेमात आहात? ह्या गोष्टीवर तुम्ही ओळखा की तुम्ही एकतर्फी प्रेमात पडला आहात.

     तुम्ही पण एकतर्फी प्रेमाच्या नात्यात आहात का?

     प्रेमाचं नातं सर्वांच्या आयुष्यात असतं पण जर ते एकतर्फी असेल तर कसं ओळखाल? प्रेमाचं नातं असं असतं ज्यामध्ये दोन्ही जोडीदारांनी एकमेकांवर प्रेम करणे आवश्यक असते. पण अनेक वेळा असं होतं की, तुम्ही तुमच्या जोडीदारावर खूप प्रेम करता, पण तुमचा पार्टनर तुमच्यावर प्रेम करत नाही. अशी परिस्थिती नात्यात येताना खूप त्रास देते.

     अनेकवेळा माणूस प्रेमात इतका बुडून जातो की त्याचे प्रेम एकतर्फी आहे हेही समजत नाही. कल्पना करत राहतो की आपल्या समोरच्या व्यक्तीचं सुद्धा आपल्याला खूप प्रेम आहे. मग शेवटी ह्या परिस्थितीचा सामना करताना अनेक वेळा एखादी व्यक्ती नैराश्याची शिकारही होते. त्यांच्या नातेसंबंधात असल्याच्या भ्रमामुळे, त्यांना ते प्रेम मिळत नाही जे त्यांना वाटतं की आहे. आपण एकतर्फी प्रेमाच्या पकडीत आहात की नाहीेत ते ओळखून वागायला हवं.

     ह्या गोष्टींमुळे ओळखा की तुम्ही एकतर्फी प्रेमात आहात

     पुन्हा पुन्हा माफी मागत असाल

     सॉरी म्हणण्यात तुमचा प्रत्येक दिवस जातो. कधी कधी तुमची चूक नसल्यामुळे नातं वाचवण्याच्या नादात तुम्ही माफी मागत असाल तर कदाचित तुम्ही एकतर्फी प्रेमात आहात. नातं सांभाळण्यासाठी दोघांमध्ये एकमेकांबद्दल आदर असणं खूप गरजेचं आहे.

     अशा परिस्थितीत जर कोणी सतत तुमचं मन दुखावत असेल तर तुम्ही एकतर्फी प्रेमात आहात हे समजून घ्या. नातेसंबंध सांभाळण्यासाठी दोघांचीही तितकीच जबाबदारी असायला हवी. ह्यातून वेळीच बाहेर पडा. प्रेमात कधीही दररोज कोणाला कोण सॉरी म्हणत नाही.

     सतत दुर्लक्ष करणे

     कधीकधी प्रेमात पडल्यामुळे आपण स्वतःला महत्त्व देणे थांबवतो. मात्र जर तुमचा पार्टनर सुद्धा फक्त त्याचा कम्फर्ट झोन बघूनच सर्व काही प्लॅन करत असेल, तो तुमच्या वैयक्तिक आणि व्यावसायिक गोष्टींकडे लक्ष देत नाही, तर कदाचित तुम्ही देखील एकतर्फी प्रेमात असू शकता. कारण नातं तेच परिपूर्ण आहे जे ज्यामध्ये दोघांची निवड असली पाहिजे. काळजी घेतलीच पाहिजे.

     आत्मविश्वास कमी होतो

     बर्‍याच वेळा अशी वेळ येते की तुमचा आत्मविश्वास कमी होतो, किंवा असे म्हणता येईल की तुम्ही या प्रकरणावर स्वतःवरच संशय घेऊ लागता. हा ड्रेस किंवा हेअरस्टाईल मला छान दिसते, बरोबर? मी जे बोललो ते माझ्या जोडीदाराला आवडेल का? माझा जोडीदार माझ्याकडे नेहमीच दुर्लक्ष का करतो? इत्यादी.

     ह्या सर्व गोष्टी करत असाल तर तुम्ही अशा नात्यात आहात ज्यामध्ये तुम्ही समोरच्या व्यक्तीसाठी सर्व काही बदलत आहात. तर दुसरी व्यक्ती तुमच्यासाठी बदलत नाही याचे लक्षण आहे. असे वागणे हे एकतर्फी प्रेमाचे लक्षण असू शकते. तुमचा खरा पार्टनर असेल तर तुम्हाला तुमचा आत्मविश्वास वाढवण्यात मदत करेल.

     मेसेज किंवा कॉलला कधीही उत्तर देतच नाही

     जर तुमचा पार्टनर तुमच्या रिप्लाय आणि मेसेजकडे सतत दुर्लक्ष करत असेल तर तुम्ही एकतर्फी प्रेमात असू शकता. जर तुमचा जोडीदार तुम्हाला कधीही मेसेज करत नसेल किंवा कॉल करत नसेल तर ती देखील नात्यात चांगली गोष्ट नाही. जर तुम्ही कॉल्स किंवा मेसेजच्या माध्यमातूनही संपर्कात राहिला नाही, तर नातं टिकवून ठेवणं खूप कठीण होऊन बसतं.

     प्रत्येक गोष्टीचा राग येतो

     नात्यात अनेकवेळा, कामाच्या किंवा घरातील काही कामामुळे तुम्हाला वेळ मिळत नसेल, तर तुमचा प्रेमात असेल तर जोडीदार नाराजी व्यक्त करतो, तो तुमचा मुद्दा समजून घेण्याचा प्रयत्नही करतो. पण समस्या समजून घेतल्याशिवाय, जर तो सतत तुमच्यावर रागवत असेल तर तुम्ही एकतर्फी प्रेमात आहात हे ओळखा.

     मित्रांनो, नाती समजून घेणं खूप गरजेचं आहे, त्यामुळे तुम्ही नात्यात असाल तरीही हे लक्षात ठेवा की, स्वत:साठी नक्कीच वेळ द्या. नात्यात पुरेशी स्पेस जपा की तुम्ही एकमेकांना सर्व काही उघडपणे सांगू शकाल. नात्यात काही अडचण असल्यास कॉमन फ्रेंडमार्फत बोला. नात्यातील गोष्टी गुंतागुंती करण्याऐवजी त्या सोडवण्यावर भर द्या.

--टीम मराठी हेल्थ ब्लॉग
----------------------

                (साभार आणि सौजन्य-संदर्भ-मराठी हेल्थ ब्लॉग.कॉम)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.08.2022-बुधवार.