बारुदIची वात-काव्य संग्रह-निर्णय

[Atul Kaviraje]

                                 "बारुदIची वात-काव्य संग्रह"
                                --------------------------

मित्र/मैत्रिणींनो,

     आज वाचूया, श्री.हनुमान  बापूराव कऱ्हाळे लिखित, "बारुदIची  वात ", या काव्य संग्रहIतील, एक कविता.या कवितेचे  शीर्षक आहे.- "निर्णय"

                                    कविता क्रमांक-१
                                        "निर्णय"
                                   ----------------

पाचवीला  पूजलेला  दुष्काळ
पाठीवर  वाहात  वडील
घामाच्या  पैशाने  वर  आलो
मी  शाळेत  जाईपर्यंत .

मोठा  झालो  तसा  वरचा  वर्ग
शाळा  बदलल्या , ट्युशन  आले
महाविद्यालय  आले .

पायातले  काटे  खुडत
पदराचा  काठ  सावरत
खुरपणं  जन्माचा  सोबती  करून
नांदणारी  आई  म्हणायची
शिक  पोरा .

डोळे  भरून  यायचे  तिचे
सावळा  बुटका  देह
झिजवत  रानावना  खपायचे
मातीत  आल्यापासून  मातीसाठी .

तसे  दिवस  सरत  गेले
हाताचे  बळ  संपत  आले
वडिलांनी   कळवलं , पोरा  कुठवर  शिक्षण ?
आवाजातही  थोडा  कमीपणा  होता .

माझी  नखशिखांत  काळजी  घेणाऱ्या
माणसांची  जत्राच  होती  गावी
जी  नेहमी  मी  मोठा  होण्यासाठी  विचारायची
मुला  कधी  लागायचा   तुझा  निर्णय  ?

--श्री.हनुमान बापूराव कऱ्हाळे
--------------------------

                      (साभार आणि सौजन्य-संदर्भ-इ साहित्य.कॉम)
                     ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.08.2022-बुधवार.