गझल संग्रह-ने कुठेही वादळा-गझल क्रमांक-१-वृत्त आनंद

[Atul Kaviraje]

                                     "ने कुठेही वादळा"
                                        गझल संग्रह
                                    -----------------

मित्र/मैत्रिणींनो,

     आज वाचूया, श्रीमती संगीत जोशी या उभरत्या गझलकारांच्या "ने  कुठेही  वादळा", या गझल संग्रहातील एक जीवनावरील गझल. या गझलेचे शीर्षक आहे - "वृत्त आनंद"

                                       "वृत्त आनंद"
                                      गझल क्रमांक-१
                                     ---------------

आयुष्य  तेच  आहे
अन  हाच  पेच  आहे ...1

हे  दुःख  नेहमीचे
होते  तसेच  आहे ...2

कोणी  न  सोबतीला
हे  ही  बरेच  आहे ...3

तू  भेटशी  नव्याने
बाकी  जुनेच  आहे ...4

सुख  पांघरू  कसे  मी
ते  तोकडे  आहे ...5

समजायचे   उन्हाळा
हे  चांदणेच  आहे ...6

वाटेत  आजच्याही
मागील  ठेच  आहे ...7

टाळू  शके  न  कोणी
जे  व्हायचेच  आहे ...8

बोलू  घरी  कुणाशी
तेही  सुनेच  आहे ...9

झेलीत  वादळांना
घर  हे  उभेच  आहे ...10

रक्तास  जात  नाही
ते  ताम्बडेच  आहे ...11

तू  प्रेम  दे  जगाला
मग  ते  तुझेच  आहे ...12

आरंभ  ज्यास  ते  ते
संपायचेच  आहे ...13

कोणी  नसे  कुणाचे
बस  ! हेच  सत्य  आहे ...14

हे  झाड  बाभळीचे
बघ , एकटेच  आहे ...15

मृत्यूही  जन्मलेला
जन्मासवेच  आहे ...16

मी  चालले  तरीही
आहे  तिथेच  आहे ...17

अंतिम  घे  भरारी
नभ  मोकळेच  आहे ...18

--संगीता जोशी
-------------

                       (साभार आणि सौजन्य-संदर्भ-इ साहित्य.कॉम)
                      ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.08.2022-बुधवार.