विडंबन कविता संग्रह-रत्नांच्या जाहल्या खापरखुंटी-कविता क्रमांक-१

[Atul Kaviraje]

                                 रत्नांच्या जाहल्या खापरखुंटी
                                    विडंबन कविता संग्रह
                                ------------------------
मित्र/मैत्रिणींनो,

     आज ऐकुया आजच्या पिढीची एक नवोदित कवयित्री "निकिता  राजेश  पाटील" यांच्या, "रत्नांच्या  जाहल्या  खापरखुंटी" या विडंबन  कविता संग्रहातील एक विडंबन कविता. या कवितेचे शीर्षक आहे- "रत्नांच्या  जाहल्या  खापरखुंटी" 

                                     कविता क्रमांक-१
                             "रत्नांच्या  जाहल्या  खापरखुंटी"
                            ----------------------------

ऐकI  हो  ऐकI , वेगळ्या  आगळ्या  गोष्टी
तुटली  कशी  उडणाऱ्या  म्हातारीची  झाडू  यांची  करूया  खरीखोटी
"अकडम डमडम" करत  फिरणारी  गायब  कशी  झाली  जादुई  काठी ,
सूत  तुटले  जिचे  अशी  कशी  वस्त्रे  विणणारी  यक्षांची  ती  धोती  ?
दगडे देते  आता,  पूर्वी  सोन्याची  नाणी  देणारी  अशी  कशी  ती  पेटी  ?
निरनिराळ्या  अद्भुत  गोष्टींची  जाहली  मनी  दाटीवाटी ,
ऐकली  का  कधी  गोष्ट  ही 
"रत्नांच्या  जाहल्या  खापरखुंटी "
"परिसIने  केले  लोखंडाचे  सोने "
हे  ऐकलेच  असेल ,मात्र  रत्नांच्या  जाहल्या कैशा   खापरखुंटी   हे  कोण  जाणे  !
डोळे  झाकूनीही  सापडते  समुद्राच्या  लाटांत  सागरगोटी ,
सांगेल  का  कुणी  मज , रत्नांच्या  जाहल्या कैशा   खापरखुंटी ?
हाकरिता  पवनही  घाले  मिठी , सांगेल  का  कुणी  मज 
रत्नांच्या  जाहल्या कैशा   खापरखुंटी ?
कोडी  सोडविता  सोडविता  मती  होईल  कुंठित , वेळ  वाटेल  छोटी ,
सांगेल  का  कुणी  मज , रत्नांच्या  जाहल्या कैशा   खापरखुंटी ?
उत्तर -स्पष्टीकरण  कुणीतरी  द्यावे , या  समस्यापूर्तीसाठी ,
सांगेल  का  मज , रत्नांच्या  जाहल्या कैशा   खापरखुंटी ?

--कवयित्री "निकिता राजेश पाटील"
-------------------------------

                    (साभार आणि सौजन्य-संदर्भ-इ साहित्य.कॉम)
                   ----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.08.2022-बुधवार.