मला आवडलेल्या चारोळ्या-चारोळी क्रमांक-53

[Atul Kaviraje]

                                मला आवडलेल्या चारोळ्या
                                   चारोळी क्रमांक-53
                               ------------------------

मित्र/मैत्रिणींनो,

      --नवं-चारोळीकाराच्या आईवरल्या  अनेक  चारोळ्यातून  मला  भावलेली  ही  एक  अजून  चारोळी . मातृ -भक्त  असा  हा  चारोळीकार , आईचे  एक  वेगळे  रूप  येथे  सांगत  आहे , दर्शवित  आहे . त्याचे  आपल्या  आईवर  निस्सीम  प्रेम  आहे . आईने  त्याला  मोठे  करेपर्यंत  काढलेल्या  खस्ता ,उपसलेले  कष्ट , अनेक  अडी -अडचणींवर  केलेली मात  त्याला  हे  सर्व  ठाऊक  आहे . तो  त्या  आजही  विसरलेला  नाही . आज  आपण  आपल्या  आईमुळेच  हे  दिवस  पहात  आहोत , यात  त्याला  तिळमात्रही  शंका  नाहीय . आईचं  त्याचे  सर्वस्व  होते , आणि  पुढेही  ते  राहील , असे  तो  निःसंशयपणे  सांगतो .   

      आईची  महती  गाताना  तो  पुढे  सांगतो , की  आईने  हे  सर्व  केले , त्यात  तिचा  काहीही  स्वार्थ  नव्हता . तिने  हे  सारे  आपल्या  मुलांसाठी , माझ्यासाठी  निःस्वार्थपणे  केले . इतर  नात्यांमध्ये  मला  हे  कधी  जाणवले  नाही . सगळीकडे  स्वार्थच  स्वार्थ  मला  दिसून  आला . नव्हे  तर  हे  सारे  जगच  मला  स्वार्थी , ढोंगी , मतलबी  असल्याचे  हळू -हळू  जाणवले . आपले  काम , आपला  कार्य -भाग  साधून  घेण्यासाठी  जग  कसं  काय  गोड  गोड  बोलतं , आणि  हा  कार्यभाग  साधून  झाला  की  कसं  पाठ  दाखवतं, फिरवत हे  चारोळीकारास आता  लक्षात  येऊ  लागलं  होत .

      पुढे  तो  असं  म्हणतोय , की  मला  नेहमीच  वाटतं  होतं  की  या  मतलबी  जगापासून  नेहमीच  दूर  जावं , दूर  राहावं , आणि  त्या  आईच्या , माईच्या  कुशीत  पडून  राहावं , जी  त्याला  मायेने  जवळ  घेते , थोपटते , प्रेमाचे  शब्द  बोलते . जिच्या  मायेत , ममतेत , आपुलकीत  कोणताही  स्वार्थ  त्याला  मग  जाणवत  नाही , निःस्वार्थ  प्रेम  देणारी , ममता  देणारी  फक्त  आईचं  असू  शकते , तिला  या बदल्यात  काहीही  नको  असतं , ती  कशाचीही  अपेक्षा  करीत  नाही . फक्त  आपल्या  मुलांचे  चांगले  झालेले  तिला  पाहायचे  असते . समाजात  त्याला  मान  मिळाल्याचे  तिला  पाहायचे  असते , तो  मोठा  झाल्याचे  तिला  पाहायचे  असते . ती  घेऊन  काहीही  जात  नाही , फक्त  देऊनच  जाते . आणि  ते  निस्सीम  प्रेम , निःस्वार्थ  प्रेम  देणारी, अपिरिमित  माया  करणारी, आभाळाएवढे  मोठे  अन  विशाल  हृदय  असणारी  ही  आई  सर्वांनाच  लाभो , जन्मोजन्मी  मिळो .

===========
या जगात
निःस्वार्थ प्रेम करणारी
एकच व्यक्ती असते
ती आई असते.
===========

--नवं-चारोळीकार
----------------

                   (साभार आणि सौजन्य-संदर्भ-मराठी विचार.कॉम)
                  -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-18.08.2022-गुरुवार.