गंगाधर मुटे-गगनावरी तिरंगा

[Atul Kaviraje]

                                        "गंगाधर मुटे"
                                       -------------

मित्र/मैत्रिणींनो,

     आज वाचूया, श्री गंगाधर मुटे, यांच्या ब्लॉग मधील देश-प्रेमावरली एक कवितI. या कवितेचे शीर्षक आहे- "गगनावरी तिरंगा"

                                       "गगनावरी तिरंगा"
                                      -----------------

                   (वृत्त-आनंदकंद)
                  ---------------

वंदे मातरम्‌....!
गगनावरी तिरंगा ....!!

गगनावरी तिरंग्या फ़डकत असेच जावे
ओलांडुनी नकाशे तू ब्रह्मस्थान घ्यावे ....!!

तू प्राण भारताचा, शक्ती ध्वजा-पताका
संगे हिमालयाला येण्यास मार हाका
समवेत घे सह्याद्री, मेरूस ये म्हणावे
ओलांडुनी नकाशे तू ब्रह्मस्थान घ्यावे ....!!

साथीस ब्रह्मपुत्रा, गोदावरी नि यमुना
धारा तरंग स्फ़ूर्ती, देईल पावलांना
कन्या भगीरथाची, रस्ते तिला पुसावे
ओलांडुनी नकाशे तू ब्रह्मस्थान घ्यावे ....!!

तारांगणे उद्याची, कक्षा तुझी असावी
ही मान भारताची, सर्वत्र उंच व्हावी
आता अभय मनाच्या धुंदीस या जपावे
ओलांडुनी नकाशे तू ब्रह्मस्थान घ्यावे ....!!

--गंगाधर मुटे 'अभय'
-------------------
(वर्ष-२०१०)
-----------

                    (साभार आणि सौजन्य-गंगाधर मुटे.ब्लॉगस्पॉट.कॉम)
                                 (संदर्भ-मराठी ब्लॉगर्स.नेट)
                   ----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.08.2022-सोमवार.