कविता पावसाच्या-कविता-चौतिसावी-बदाबदा किती तो कोसळतोय

[Atul Kaviraje]

                                    "कविता पावसाच्या"
                                     कविता-चौतिसावी 
                                   ------------------

मित्र/मैत्रिणींनो,

     पावसावरच्या सुंदर कविता-paus kavita in marathi वाचायच्या असतील तर तुम्ही योग्य जागी आला आहात. इथे तुम्हाला नवीन सुंदर पाऊस कविता वाचायला मिळतील.  ह्या लेखाद्वारे सुंदर rain poem in marathi म्हणजे पावसावरील कवितांचा संग्रह उपलब्ध करून दिला आहे. मला आशा आहे तुम्हाला ह्या पाऊस  मराठी कविता paus marathi kavita नक्की आवडतील

                                 "बदाबदा किती तो कोसळतोय"
                                ----------------------------

बदाबदा किती तु कोसळतोयस
रूपावरून तारवटलेला वाटतोयस
' कोसळूदे मनसोक्त ' एव्हढंच होतं म्हटलं
थैमान घालत सुटशील , असं नव्हतं वाटलं
कर ना रे जरासा मनात विचार
मारा सरींचा तुझ्या , होऊदे सुमार
आमची काय असणार , ताकद तुझ्यासमोर
नको रे बाबा होऊस , इतका कठोर
संसार जातायत वाहून लोकांचे
होत्याचे नव्हते होतेय घरांचे
भिंती कोसळतायत कुठे कशावर
आता तरी स्वतःला , घाल रे आवर
कुणाची करणी भोगायचं कुणी
कोण खातंय टाळूवरचं लोणी
तूच आता समजून घे , आम्हाला सावर
किती सहन करायचं रे आणि कुठवर

--AUTHOR UNKNOWN
-------------------------

                  (साभार आणि सौजन्य-संदर्भ-हिंदी माहिती.कॉम)
                 -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-24.08.2022-बुधवार.