चारोळी पावसाची-क्रमांक-39-सुगंधात नहाली,धरित्री मोहरली

[Atul Kaviraje]

                                     चारोळी पावसाची
                                        क्रमांक-39
                                    ----------------

मित्र/मैत्रिणींनो,

     --पावसाचे  सुंदर  वर्णन  करणारी , पडणाऱ्या  पाण्यामुळे  काय  काय  परिणाम  होतात , हे  दर्शविणारी  एक  सुंदर  चारोळी , या  नवं -चारोळीकाराच्या  लेखणीतून  प्रसवली  आहे . पाऊस  येण्याच्या  आधी  त्याची  ही सृष्टी , सर्व  मानव-जात , सारा  प्राणी-मात्र  अतिशय  काकुळतेने , डोळ्यात  प्राण  आणून , तळमळीने  वाट  पाहत  असतात . तो  कधी  एकदा  येतो , आणि  सार  सार  काही  भिजवून   टाकतो , चिंब  करतो , साऱ्या  सृष्टीला  न्हाऊ  घालतो , धरेच्या  कलशात  आपले  अमृत-थेम्ब  ओतून , तिला  पुनर-जीवन  देतो , आणि  ही अनोखी  जादू  फक्त  हा  पाऊसच  करू  शकतो , हे  निःसंशय , यात  काहीच  वाद  नाही .

     पुढे  हा  नवं -चारोळीकार  म्हणतोय , ही  धरा , ही  जमीन , ही  मृत्तिका , ही  माती  केव्हाची  या  पावसासाठी  तरसून  आहे. त्याच्या  अमृत -थेंबांची  प्रकर्षाने  वाट  पहात  आहे , की  हा  पाऊस  येईल , आणि  आम्हाला  चिंब  करील , न्हाऊ  घालील , भिजवून  टाकील , जीवन  देईल , नवं-जीवन  देईल . याच  प्रतीक्षेत  असता , तो  खरॊखरच  येतो , तो   येतो , पडतो , सारं  सारं  काही  ओले-चिंब  करतो , या  धरेचे , या  चराचराचे , या  मृत्तिकेचे , या  मातीचे  मन  जिंकतो . त्यांना  परीस-स्पर्श  देतो , त्यांना  नवं-जीवन  देतो. आपले  अमृत-थेम्ब  या  मातीत  तो  रुजवतो . खोल  खोल  आतवर , वाट  काढीत  शिरतो , रुजत   जातो .

     आणि  मग  एक  न  पाहिलेली  जादू  घडते , किमया  होते . जसे  पावसाचे  पाणी  धरेवर  कोसळत , मातीवर  शिंपडले  जाते , तेव्हा  ती  माती  एक  अनोखा  सुगंध  वातावरणात  सोडते . कधीही  न  अनुभवलेला  असा  हा  अलौकिक , दुर्मिळ  सुवासाचा  पखर  सर्वत्र  होऊ  लागतो . हा  सुरभ , हा  सुगंध , हा  परिमळ  इतका  अनोखा , हवा-हवासा  असतो , की  जगातील  सारी  फुले , जगातील  सारी  अत्तरे  एकत्र  जरी  केली , तरी  त्याची  तोड, सर   या  मृत्तिका -गंधास  येणार  नाही . हा  सुगंध , मग  साऱ्या  प्राणी-मात्रांच्या , सर्व  मानव-जातीच्या  मना-मनांत , तनात  नासिकेद्वारे  शिरकाव  करतो , रुजत  जातो . एक  अभिनव  असा  आनंद , एक  नवा  अनुभव  सर्वजण  अनुभवतात . तो  गोडवा , ते  माधुर्य  , तो  मातीला  येणार  भिनि -भिनि , दैवी , शुद्ध , निर्मल , पावन , पुनीत  असा  सुगंध  सर्वत्र  असा  भरून  राहतो , की  ज्यामुळे  सारे  वातावरण  अचानकच  आनंदी  होऊ  लागते , हा  सुवास  अंगात  भिनताच  एक  समाधी  लागते , मनुष्य  मग  हा  सुगंध  डोळे  मिटून  तना-मनांत  भिनवतो , त्याची  तंद्री  लागते , एका  अनोख्या  विश्वात  तो  रममाण  होतो . इतके  सारे  हा  पाऊस  घडवतो . खरोखरच  हे  पावसा  तुझे  फार  फार  उपकार  आहेत  आमच्यावर .

सुगंधात नहाली, धरित्री मोहरली
---------------------------
पावसाचे आघात झेलूनच
माती बनते सुगंधी,
तिचा गोडवा पसरताच
वातावरण होते आनंदी.
===========

--नवं -चारोळीकार
-----------------

                   (साभार आणि सौजन्य-संदर्भ-मराठी पिक्चर्स.कॉम)
                  --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.08.2022-गुरुवार.