चारोळी पावसाची-क्रमांक-40

[Atul Kaviraje]

                                     चारोळी पावसाची
                                        क्रमांक-40
                                    ----------------

मित्र/मैत्रिणींनो,

     --नवं-चारोळीकार  या  चारोळीच्या  माध्यमातून  पावसाचे  महत्त्व , इतर-जणांना  न जाणवलेले, न कळलेले  अनाकलनीय  असे  एक  रहस्य  सांगून  जातोय , एका  गूढ  रहस्याची  उकल  तो  आज  करीत  आहे . हा  पाऊस  तर  दरवर्षी  येतो , आम्हाला  ओले  चिंब  करतो  त्यात  काय  मोठंसं ? तो  तर  नेहमीच  न  चुकता  पडतो, सार्यांना  भिजवतो . त्यात  काय  मोठंसं  ? असे  अनेक  प्रश्न  मूढ-जनांकडून  नेहमीच  विचारले जातात . प्रत्यक्ष  पावसाचे  काय  महत्त्व  आहे , आणि  ते  फक्त  जल-प्राशन  किंवा  पाण्याचे  तलाव  भरण्याइतकेच  आहे , एवढेच  हे  मूर्ख-लोक  सांगू  शकतात . त्यांचे  तोकडे  ज्ञान, त्यांची  थिटी  माहिती  ही  फक्त  इतकीच . बाकी  सगळी  बोंब .

     पण  आज  या  नवं-चारोळीकाराने , या  चारोळीतून  त्यांचे  पावसाबद्दलचे  तोकडे  ज्ञान, माहिती  दाखवून  दिली  आहे . तो  म्हणतोय , हे  मित्रांनो, पावसाचे  महत्त्व  फक्त  एवढ्यापुरतेच  मर्यादित नाही.  तुम्हा  सर्वांना  न  कळलेली  एक  गोष्ट  मी  तुम्हाला  आज  सांगत  आहे , ज्याची  तुम्ही  कधीही  अपेक्षा  केली  नसेल . तर  हे  लोकहो , पहिला  पाऊस  जेव्हा  पडतो , धरित्रीवर  येऊन  तिची  गाठ-भेट  घेतो , धरेच्या , जमिनीच्या  मृत्तिकेवर  येऊन  जेव्हा  प्रथम स्पर्श  करतो , तेव्हाचा  मृद-गंध  तुम्ही  कधी  घेतला  आहे  का ? तुम्ही  फक्त  इतकेच  पाहता , की  पाऊस  आलाय . पण  मूर्खांनो , तुम्हाला  हे  कधी  जाणवले  आहे  का , की या  पावसाच्या  पाण्याचा  मातीशी झालेला  प्रथम  स्पर्श , हा  केवळ  किमयाच  घडवून  जात  नाही , तर  तिला  तो  परीस-स्पर्शही  देऊन  जातो .

     पुढे  तो  म्हणतोय , की  जर  तुम्ही  बारकाईने  पहिले , तर ती  हवा , तो  वारा  आपल्या  नासिकेद्वारे  छातीत  भरून  घेतला , की  तुम्हाला  हे  जाणवेल  की  एक  अनोखा  न  जाणवेलला  परिमळ , सुगंध , दैवी  सुवास , देव-लोकीचा  सुरभ  तुम्हाला  एका  वेगळ्या  विश्वात  घेऊन  जात  आहे . मित्रांनो , जगातील  कुठल्याही  महागडया  अत्तराला  या  अनोख्या , आगळ्या-वेगळ्या  सुगंधाची  उपमा , सर  कधीही  येऊ  शकणार  नाही , इतके  श्रेष्ठ  याचे  वैशिष्ट्य  आहे . जगातील  सारी  भारी  अत्तरे , जरी  एक  केलीत , तरी  हा  मृत्तिका  दरवळ , की  ज्याला  पाऊस-थेंबाचा  परीस-स्पर्श  झालाय , हा  नेहमीच  वरचढ  ठरेल . आज  मला  कधी  नव्हे  ते  जाणवतंय , की  ही  किमया  फक्त  हा  पाऊसच  करू  शकतो . आज  बातमी  ऐकायला  मिळतेय , की  पहिल्या  पावसाने  बाजारात  बाजी  मारून  नेली , आणि  या  मातीच्या  सुगंधापुढे  साऱ्या  अत्तरांचे  भाव , दर  धडाधड  कोसळले . जी  जी  अत्तरे  आजवर  फुका   मिजास  करीत  होती , ती  एका  क्षणांत , या  मृत्तिका-गंधाने  मातीमोल  केली . या  अत्तरांचे  गर्व-हरण  करीत  ही  माती  पावसाच्या  प्रथम  सरीने , थेंबाने  पहा  कशी  पावन  झाली , पुनीत  झाली , धन्य  झाली .

           अत्तरांचे गर्व-हरण 
          -----------------
"भाव अत्तराचे आज पार कोसळले ...
थेंब 🌧पावसाचे जेव्हा मातीत मिसळले..."
.........☔
मिजास अत्तरांची
क्षणात विरून गेली....
पहिलीच सर जेव्हा,
मातीत जिरून गेली......☂
💦...पहिल्या पावसाच्या शुभेच्छा...💦
===================

--नवं -चारोळीकार
-----------------


                   (साभार आणि सौजन्य-संदर्भ-मराठी पिक्चर्स.कॉम)
                  --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.08.2022-शनिवार.