रोहिणी-ऊर्मी जगण्याची ...

[Atul Kaviraje]

                                     "ऊर्मी जगण्याची ..."
                                    --------------------

मित्र/मैत्रिणींनो,

     आज वाचूया, श्रीमती रोहिणी, यांच्या "ऊर्मी जगण्याची ..." या कविता-ब्लॉगमधील एक कविता .

मी एकटी एकाकी भावशून्य झाले होते
भावनांचा झाला गुंता गुंत्यात अडकले होते

अदृष्य विकलतेने मती गुंग होत होती
जाणीवाही बोथट झाल्या अस्पृश्य वंचने पोटी

चेतनांचे जागृत गाव निद्रिस्त जाहले होते
सुखस्वप्नांच्या चांदण्याला ग्रहण बधिरतेचे होते

नि:शब्द निस्तब्ध अशी काय अवस्था झाली
डोळ्यात अश्रु एकाकी एकटेच डोलत होते...

--रोहिणी
(Monday, December 11, 2006)
----------------------------------

                    (साभार आणि सौजन्य-ऊर्मी.ब्लॉगस्पॉट.कॉम)
                              (संदर्भ-मराठी ब्लॉगर्स.नेट)
                   -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-28.08.2022-रविवार.