कविकुलगुरू कुसुमाग्रज-कणा

[Atul Kaviraje]

                                "कविकुलगुरू कुसुमाग्रज"
                               ------------------------

मित्र/मैत्रिणींनो,

     आज वाचूया, श्रीमती अनुजा, यांच्या "कविकुलगुरू कुसुमाग्रज-कुसुमाग्रजांच्या कविता" या ब्लॉग मधील एक कविता. या कवितेचे  शीर्षक आहे- ''कणा''

                                       ''कणा''--
                                       ---------

''ओळखलत का सर मला-''पावसात आला कोणी
कपडे होते कर्दमलेले,केसांवरती पाणी
क्षणभर बसला नंतर हसला बोलला वरती पाहून
'गंगामाई पाहुनी आली गेली घरट्यात राहून
माहेरवाशीण पोरीसारखी चार भिंतीत नाचली
मोकळ्या हाती जाईल कशी-बायको मात्र वाचली
भिंत खचली चूल विझली होते नव्हते नेले
प्रकाश म्हणून पापण्यांमध्ये पाणी थोडे ठेवले.
कारभारणीला घेवून संगे सर आता लढतो आहे
पडकी भिंत बांधतो आहे चिखल गाळ काढतो आहे
खिशाकडे हात जाताच हसत हसत उठला,
'पैसे नको सर जरा एकटेपणा वाटला-
मोडून पडला संसार तरी मोडला नाही कणा
पाठीवरती हात ठेवून नुसते लढ म्हणा;'

--कवी कुसुमाग्रज.
----------------

--संकलक-अनुजा
(WEDNESDAY, JULY 15, 2009)
----------------------------------

             (साभार आणि सौजन्य-कुसुमाग्रज-आठवणी.ब्लॉगस्पॉट.कॉम)
                               (संदर्भ-मराठी ब्लॉगर्स.नेट)
            -----------------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-02.09.2022-शुक्रवार.