मला आवडलेल्या चारोळ्या-चारोळी क्रमांक-61

[Atul Kaviraje]

                                 मला आवडलेल्या चारोळ्या
                                    चारोळी क्रमांक-61
                                ------------------------

मित्र/मैत्रिणींनो,

     --नवं-चारोळीकार  आपल्या  प्रेम-चारोळीतून  आपल्या  नायकाचे  प्रेम-मनोगत  व्यक्त  करीत  आहे . चारोळीतील  प्रियकराचे  आपल्या  प्रेयसीवर  अतिशय , नितांत , निरामय  प्रेम  आहे . या  प्रेमापोटी , आपल्या  प्रेयसीसाठी  हा  तथा-कथित  प्रियकर  काहीही  करू  शकतो , तिच्या  सुखासाठी  तो  कोणतेही  दिव्य  करण्यास  तयार  आहे , तिचा  प्रत्येक  शब्द  झेलून  तिला  खुश  करण्यासाठी  तो  कितीही  त्रास  घेऊ  शकतो . असा  हा  प्रियकर  तिला  भाग्यानेच  लाभला  आहे . त्याची  प्रेयसी  दिलखुलास , मनमिळावू , लाघवी , मदतीस  तत्पर  असा  प्रियकर  आपल्याला  मिळालाय , याहून  मोठे  भाग्य  काय  माझे  म्हणून  भलतीच  खुश  आहे . तिच्या  मनासारखे  आज  झाले  आहे .

     या  चारोळीतील  प्रियकर , आपल्या  प्रेयसीचा  प्रत्येक  शब्द  झेलत  आहे , तिचे  मन  रिझवीत  आहे , तिला  खुश , आनंदी  ठेवण्यासाठी  तो  हर-प्रकारे  प्रयत्नशील  आहे . दोघेही  एकमेकांच्या  प्रेमात  आकंठ  बुडाली  आहेत . त्यांना  स्वर्ग  थिटा  आहे . एकमेकांना  प्राप्त  करून , एकमेकांचे  प्रेम  मिळून , मिळवून  ती  दोघेही  धन्य  झाली  आहेत . वाचकहो , ही  झाली  प्रेमाबद्दल  एक  कवी-कल्पना . पण  अजूनही  बरंच  काही  सांगण्यासारखं  आहे  या  प्रेमाबद्दल .

     या  तथा-कथित  प्रियकराच्या  प्रेमाबद्दलच्या  भावना  अतिशय   तीव्र  आहे . त्याच्यातही  एक  कवी दडलेला  आहे,  तो  पुढील  शब्दांत  प्रेम  सांगत  आहे . तो  आपल्या  प्रियेस  म्हणतोय , हे  प्रिये , माझे  तुझ्यावर  नितांत  प्रेम  आहे , आणि  पुढेही  ते  अमर्यादितच  राहील . पण  त्यासाठी  ते  प्रेम  व्यक्त  करण्याची काही  गरज  असेल  असं  मला  वाटत  नाही . प्रेम  हे  अव्यक्तच  असतं . त्यासाठी  शब्दांची  काहीही  आवश्यकता  नाही . माझ्या  डोळ्यांत  पहा , प्रिये  ते  तुला  अगदी  सहजच  जाणवेल . त्यासाठी  ते  ओठांवर  आणण्याची  काही  गरज  नाही . मी  तुझ्यावर  फार  प्रेम  करतो . माझं  हे  प्रेम  असंच  आहे . ते  तुला  सांगण्याचे  कष्ट  मी  का  घेऊ  ? माझ्या  स्पर्शातूनही  तुला  ते  जाणवेल . माझ्या  सान्निध्यात  असण्यानेही  तुला  ते  कळेल . माझ्या  प्रेमळ  नयनांतही  तुला  ते  स्पष्ट  दिसेल . प्रेम  हे  असंच  असतं  प्रिये . निःशब्द , अबोल , अव्यक्त .

===============
मी तुझ्यावर प्रेम करतो,
हे ओठांवर आणता येत नाही..
प्रेम असचं असतं,
हे शब्दात सांगता येत नाही.
===============

--नवं-चारोळीकार
----------------

                   (साभार आणि सौजन्य-संदर्भ-ऑल इन मराठी.कॉम)
                   --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.09.2022-शनिवार.