सहज सुचलेले..-कविता-त्या फुलांच्या गंधकोशी

[Atul Kaviraje]

                                      "सहज सुचलेले.."
                                     -----------------

मित्र/मैत्रिणींनो,

     आज वाचूया, श्रीमती अनुजा यांच्या "सहज सुचलेले.." या ब्लॉग मधील एक कविता. या कवितेचे शीर्षक आहे- "त्या फुलांच्या गंधकोशी"

                                त्या फुलांच्या गंधकोशी--
                               --------------------

त्या फुलांच्या गंधकोशी, सांग तू आहेस का?
त्या प्रकाशि तारकांच्या,ओतिसि तु तेज का?

त्या नभाच्या नीलरंगी होवूनी आहेस का?

गात वायूच्या स्वरानी ,सांग तू आहेस का?
मानवाच्या अंतरीचा प्राण तू आहेस का?

वादळाच्या सागराचे घोर ते तू रूप का?
जीवनी या वर्षणारा  तू कृपेचा मेघ का?

आसमंती नाचणारी तू विजेची रेघ का?
जीवनी संजीवनी तू ,माउलीचे दूध का?

कष्टणाऱ्या बांधवांच्या रंगसी  नेत्रात का?
मूर्त तू मानव्य का रे, बालकांचे हास्य का?

या इथे अन त्या तिथे रे सांग तू आहेस का?

--अनुजा
--------

              (साभार आणि सौजन्य-माझे विचार अनुजा.ब्लॉगस्पॉट.कॉम)
                                (संदर्भ-मराठी ब्लॉगर्स.नेट)
             ----------------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-03.09.2022-शनिवार.