पूर्वतरंग ....-कविता-कविता

[Atul Kaviraje]

                                      "पूर्वतरंग ...."
                                     --------------

मित्र/मैत्रिणींनो,

     आज वाचूया,  "पूर्वतरंग ...." या ब्लॉग मधील एक कविता. या कविताचे शीर्षक आहे- "कविता"

                                         कविता--
                                        -------

कविता करायची म्हटलं कि
सगळे शब्द पळून जातात...
एखाद्या निवांत क्षणी मात्र
आपण होऊनच जमा होतात...

विषय आठवावा म्हटलं कि
त्यावेळी काहीच सुचत नाही...
अचानकच मग कधीतरी
अनेक गोष्टी एकदम स्फुरतात...

आपण जुळवू म्हटलं कि
यमकच  जुळत नाही...
शब्दांच्या कलाने घेतलं कि
ते आपोआपच कागदावर उतरतात...

अक्षराला अक्षर जुळतं
आपलं आपल्यालाच छान  वाटतं...
फुलांनी भरलेल्या बागेसारखी
मनात शब्दांची दाटी होते...

मग हा शब्द घेऊ कि तो घेऊ ?
सगळेच शब्द सुंदर वाटतात...
मनातल्या भावनांना वाट मिळते
अशाच का कविता तयार होतात ?

--पूर्वतरंग
(बुधवार, २९ डिसेंबर, २०१०)
-------------------------

                    (साभार आणि सौजन्य-पूर्वतरंग.ब्लॉगस्पॉट.कॉम)
                               (संदर्भ-मराठी ब्लॉगर्स.नेट)
                   -------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-04.09.2022-रविवार.