एल्गार-गझल-पुन्हा स्मशानी

[Atul Kaviraje]

                                         "एल्गार"
                                        ---------

मित्र/मैत्रिणींनो,

     आज वाचूया, श्री सागर भंडारे यांच्या "एल्गार" या ब्लॉग मधील एक गझल. या गझलचे शीर्षक आहे- "पुन्हा स्मशानी"

                                     पुन्हा स्मशानी--
                                    ------------

पुन्हा स्मशानी घडायचे ते घडून गेले
चितेवरी लोक जे नको ते रडून गेले
दिले कशाला नभास झोके तुझ्या स्वरांनी?
कधीच गाणे तुझे मला शिंपडून गेले

अरे, नसे हा सवाल माझ्याच आसवांचा
युगायुगांचे रुमाल सारे सडून गेले!
करु तरी काय सांग माझ्या कलंदरीचे?
कसा फिरु? आसवांत रस्ते बुडून गेले!

कुणाकुणाची कितीकिती खंत बाळगू मी?
अताच आयुष्यही शिवी हासडून गेले!
सुगंध तो कालचा तुला मी कुठून देऊ?
अखेरचे थेंब अत्तराचे उडून गेले!

– सुरेश भट
-----------

--संकलक-सागर भंडारे
(Thursday, June 23, 2011)
------------------------------

                   (साभार आणि सौजन्य-एल्गार.ब्लॉगस्पॉट.कॉम)
                               (संदर्भ-मराठी ब्लॉगर्स.नेट)
                  -----------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-13.09.2022-मंगळवार.