चिमण्या-कविता-अस्तित्व

[Atul Kaviraje]

                                         "चिमण्या"
                                        ----------

मित्र/मैत्रिणींनो,

     आज वाचूया, श्रीमती मधुरा यांच्या "चिमण्या" या ब्लॉग मधील एक कविता. या कवितेचे  शीर्षक आहे- "अस्तित्व"

                                      अस्तित्व--
                                     --------

कोटी कोटी आकाशगंगेतल्या
असंख्य सुर्यांपैकी कोण एका सूर्याच्या मेहेरबानी वर तगलेल्या
एका खड्याच्या पाठीवर
रांगणा-या असंख्य जीवांपैकी एक सूक्ष्म मासाचा गोळा।
हेच अस्तित्व.

त्याचं जगण मरणं वगैरे गोष्टी दैनंदिनीचा भाग एक!

बाकी तुझा खरा जन्म आणि मरण दोन्ही होत असत खोल खोल आत
फक्त तुझ्या मनात; फक्त तुझ्या मनापुरतच।

एरवी तू नसल्याशिवाय तुझ्या असण्याची तरी जाणिव कुठे असते;
ना त्या खड्याला, ना त्या सूर्याला,
पण तुझ्या खिडकीतलं रोप मात्र शोधत तुला रोज;
सूर्य त्याची तहान नाही भागवू शकत।

--सोनल वायकुळ   
(Wednesday, May 19, 2010)
--------------------------------

                    (साभार आणि सौजन्य-चिमण्या.ब्लॉगस्पॉट.कॉम)
                               (संदर्भ-मराठी ब्लॉगर्स.नेट)
                   -------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-14.09.2022-बुधवार.