आशा वि के ३३-चारोळ्या

[Atul Kaviraje]

                                     "आशा वि के ३३"
                                    ----------------

मित्र/मैत्रिणींनो,

     आज वाचूया, सौ.आशा खानविलकर यांच्या "आशा वि के ३३" या ब्लॉग मधील काही चारोळ्या.

                                        चारोळ्या--
                                       ---------

नजर  मिळाली नजरेला तर ,
वादळाची भीती आहे.
नजर मिळाली न  जर  तर ,
सर्वच कसं शांत आहे .
                                           वेडी वाकडी असली तरी,
                                           वाटेवर माझे प्रेम आहे ,
                                           तुझ्यापर्यंत घेऊन जाते ती ,
                                           तसं तिचंही माझ्यावर प्रेम आहे .


  तुझ्या माझ्या स्नेहफुलांचा
  गंध काही आगळा आहे ,
  सुकत सुकत गेली  तरी ,
   सुगंध त्यांचा  वेगळा आहे .

                                          निखळत्या ताऱ्याकडे  पाहून ,
                                           तू यावस हि इच्छा केली,
                                           डोळे वाटेकडे लावून बसले ,
                                           तेवढ्यात मांजर आडवी गेली.

जगाला कशाला हसायचं,
असतील शीत तर नाचतील भूत म्हणून ,
भर दुपारी स्वतः चीचं पहा ,
सावली सुद्धा राहते लपून .

                                           सुख सुख काय घेऊन बसलात,
                                           सम दुःखाची बोला भाषा ,
                                           मिळतील घायाळ हृदयानाही,
                                            नवजीवनाच्या नवीन आशा .....!

मना मनाची भाषा कसली,
इथे हृदयही विकत मिळतात,
वेळप्रसंगी पाहिजे असल्यास,
भाड्यानेही अश्रू मिळतात .

--सौ. आशा खानविलकर
(Wednesday, 26 October 2011)
-----------------------------------

                (साभार आणि सौजन्य-आशा वि के ३३.ब्लॉगस्पॉट.कॉम)
                                (संदर्भ-मराठी ब्लॉगर्स.नेट)
               -------------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-16.09.2022-शुक्रवार.