सृजनाच्या वाटा-समशेर-सुरांची प्रीती (बाजीराव-मस्तानी)

[Atul Kaviraje]

                                      "सृजनाच्या वाटा"
                                     ----------------

मित्र/मैत्रिणींनो,

     आज वाचूया, श्रीमती अनुजा (स्वप्नजा) यांच्या "सृजनाच्या वाटा" या कविता ब्लॉग मधील एक कविता. या कवितेचे शीर्षक आहे- "समशेर-सुरांची प्रीती (बाजीराव-मस्तानी)"

                       समशेर-सुरांची प्रीती (बाजीराव-मस्तानी)--
                      -----------------------------------   

कशी थांबली मोहिनी श्वास रोखुनी क्षणभरी
भिडली नयनपाकळी लाज सोडूनी क्षणभरी

हाच तो हाच तो गरजली तिची मनोदेवता
प्राण ज्यासी अर्पावा साक्ष पटूनी क्षणभरी

गोल घेउनी रिंगण ती आली त्यासामोरी
हासला तो अन चमकली सौदामिनी क्षणभरी

भास झाला कृष्णं आला सोडूनी गोकुळा
गेली ती ही स्वखुशी राधा बनुनी क्षणभरी

गात होती सूर वेडे घालुनी स्वर मोहिनी
दिसले तिला ग देखणे सुराहूनी क्षणभरी

चीज ताना बांधताना बांधला संग रेशमी
सांगते कथा आगळी ऐका थांबुनी क्षणभरी
(क्रमशः)

--अनुजा (स्वप्नजा)
(मंगळवार, डिसेंबर ०६, २०११)
---------------------------

                (साभार आणि सौजन्य-सृजनाच्या वाटा.ब्लॉगस्पॉट.कॉम)
                                 (संदर्भ-मराठी ब्लॉगर्स.नेट)
               -------------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-16.09.2022-शुक्रवार.