उदरभरण नोहे जाणिजे यज्ञकर्म-सिमला मसाला

[Atul Kaviraje]

                               "उदरभरण नोहे जाणिजे यज्ञकर्म"
                              -----------------------------

मित्र/मैत्रिणींनो,

     आज वाचूया, श्रीमती रोहिणी गोरे यांच्या "उदरभरण नोहे जाणिजे यज्ञकर्म" या ब्लॉग मधील एक लेख. या लेखाचे शीर्षक आहे- "सिमला मसाला"

                                        सिमला मसाला--
                                       --------------

वाढणी:२ जणांना

पाककृतीला लागणारा वेळ:३० मिनिटे

                 पाककृतीचे जिन्नस:--

सिमला उर्फ ढब्बू मिरची २ मोठ्या(जाड्या)
लाल तिखट १ चमचा, धने-जीरे पावडर १ चमचा, गरम/गोडा मसाला १ चमचा,
दाण्याचे कूट, ओला नारळ, चिरलेली कोथिंबीर प्रत्येकी अर्धी वाटी
चिंचेचा दाट रस अर्धी वाटी, गूळ (छोट्या लिंबाएवढा)
मीठ
तेल, मोहोरी, हिंग, हळद (फोडणीसाठी)

क्रमवार मार्गदर्शन: सिमला उर्फ ढब्बू मिरची बारीक चिरणे. नेहमीपेक्षा तेल थोडे जास्त घेवून तेलाच्या फोडणीमधे चिरलेली सिमला मिरची घालून ३-४ वाफांमधे शिजवून घेणे. नंतर त्यात लाल तिखट, धने-जीरे पूड, गरम किंवा गोडा मसाला, गूळ, चिंचेचे पाणी व चवीप्रमाणे मीठ घालून परतणे. नंतर त्यात कोथिंबीर, ओला नारळ, दाण्याचे कूट, घालुन परत १-२ वेळा वाफ देवून परतणे.

अशी ही आंबट-गोड भाजी ज्वारीच्या किंवा तांदुळाच्या भाकरीबरोबर चांगली लागते, शिवाय नुसती खायला पण छान लागते.

--रोहिणी गोरे
(THURSDAY, DECEMBER 14, 2006)
---------------------------------------

                (साभार आणि सौजन्य-रोहिणी विनायक.ब्लॉगस्पॉट.कॉम)
                               (संदर्भ-मराठी ब्लॉगर्स.नेट)
               --------------------------------------------------
                       
-----संकलन
-----श्री.अतुल एस.परब(अतुल कवीराजे)
-----दिनांक-18.09.2022-रविवार.