कविता पावसाच्या-कविता-एकसष्ठावी-पत्र, प्रेम आणि पाऊस

[Atul Kaviraje]

                                   "कविता पावसाच्या"
                                    कविता-एकसष्ठावी 
                                  ------------------

मित्र/मैत्रिणींनो,

     पावसावरच्या सुंदर कविता-paus kavita in marathi वाचायच्या असतील तर तुम्ही योग्य जागी आला आहात. इथे तुम्हाला नवीन सुंदर पाऊस कविता वाचायला मिळतील.-

                                 "पत्र, प्रेम आणि पाऊस"
                                 ---------------------

जीवापाड पत्र ती जपलेली
जुन्या आठवणींचा ठेवा
पावसाचा स्पर्श सुगंधी
प्रत्येक पत्राआड लपलेला

शब्दांचा खेळ असा
रुसवा फुगवा सारा
अबोल शांततेत जणू
पाऊस वारा कोसळणारा

पत्राची घडी उलगडताना
सैल मिठीचा दुरावा तुझा
पाठमोरी तू अशी आता
गंध भोवती दरवळे तुझा

पाऊसही अवकाळी कसा
प्रेमाचा गंध दूर दूर नेणारा
प्रेमपत्र ती हातून जरा
खट्याळपणे वाचणारा

सगळं अवचित घडताना
थांगपत्ता नाही कशाचा
प्रेम, पत्र आणि पावसाचा
खेळ गुढपणे तो चालायचा

--किशोर झोटे
-------------

                      (साभार आणि सौजन्य-संदर्भ-स्टोरी मिरर.कॉम)
                     -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-20.09.2022-मंगळवार.