कविता पावसाच्या-कविता-बासष्ठावी-तू आणि मी

[Atul Kaviraje]

                                   "कविता पावसाच्या"
                                     कविता-बासष्ठावी 
                                  ------------------

मित्र/मैत्रिणींनो,

     पावसावरच्या सुंदर कविता-paus kavita in marathi वाचायच्या असतील तर तुम्ही योग्य जागी आला आहात. इथे तुम्हाला नवीन सुंदर पाऊस कविता वाचायला मिळतील.--

                                        "तू आणि मी"
                                       -------------

पावसाच्या धारा कोसळल्या भुईवरी
थंड थंड सरींवर सरी
ढगाळ वातावरण मंद वारा
सुगंध ओल्या मातीचा दरवळणारा

घेतले अंगावर तुषार ओले
आठवले ते दिवस जुने
पहायचो अविरत कोसळणाऱ्या धारा
कधी थेंब कधी गारा

गरम चहा कांदा भजी
सोबतीला जोडी तुझी माझी
निरंतर गप्पा हातात हात
सहज करायचो वेळेवर मात

भिजतो मी तेच आठवून
स्वैर स्वच्छंद, भान हरपून
आजही भेटतो त्याला अवश्य
त्यानेच खुलविले आयुष्यात इंद्रधनुष्य!!!

--संकेत पोटफोडे
---------------

                     (साभार आणि सौजन्य-संदर्भ-स्टोरी मिरर.कॉम)
                    -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-21.09.2022-बुधवार.